ఇటీవల విడుదలైన ట్రయిలర్ రంగ్ దే సినిమాపై అంచనాలను పెంచేసింది. కీర్తి సురేష్, నితిన్ మధ్య సాగే రొమాంటిక్ డ్రామా చూడ ముచ్చటగా అనిపించింది. వీళ్లిద్దరూ సోషల్ మీడియా వేదికగా తమ సినిమాని చాలా తెలివిగా ప్రచారం చేసుకుంటున్నారు. సినిమాకు సంబంధించిన ఫన్నీ వీడియోలని ప్రతి రోజు కీర్తి సురేష్ షేర్ చేసుకుంటున్నారు. ఈ సినిమా లో నరేష్, రోహిణి, కౌసల్య, బ్రహ్మాజీ, వెన్నెల కిషోర్, సత్యం రాజేష్ తదితరులు నటిస్తుండగా.. కామెడీకి కొరత ఉండదని తెలుస్తోంది. దేవిశ్రీప్రసాద్ సంగీతం కూడా ఈ సినిమాకి ప్లస్ పాయింట్ అయ్యే అవకాశం ఉంది.

ఇటీవలే వచ్చిన చెక్ సినిమా ఫెయిల్ అవడంతో నితిన్ తీవ్ర నిరాశలో మునిగి తేలుతున్నారు. రంగ్ దే సినిమా అయినా తనకు మంచి హిట్ ఇస్తుందని కొండంత ఆశతో వేచి చూస్తున్నారు. మరి ప్రేక్షకులు నితిన్ సినిమాకి ఎటువంటి తీర్పు ఇస్తారో చూడాలి. నితిన్ బాలీవుడ్ మూవీ అంధధున్‌కు తెలుగు రీమేక్ లో కూడా నటిస్తున్నారు.