ఈ సినిమా సంగీతానికి సంబంధించి కొన్ని సంచలన కామెంట్స్ చేశాడు. పవన్ కోసం మునుపెన్నడూ లేని విధంగా కష్టపడుతున్నానని అలాగే పవన్ చేత ఈ సినిమాలో ఒక పాట కూడా పాటిస్తున్నారని చెప్పుకొచ్చాడు. అయ్యప్పనుమ్ కోషియం రీమేక్ సినిమాలో పవన్ కళ్యాణ్ ఒక పాట పాడుతున్నారని ఇది ఆయన కెరీర్లోనే ఒక స్పెషల్ సాంగ్ గా నిలిచిపోతుందని చెప్పుకొచ్చాడు. ఇదే అంశం ఇప్పుడు పవన్ కళ్యాణ్ ఫ్యాన్స్ లో టెన్షన్ రేపుతోంది. దానికి కారణం పవన్ కళ్యాణ్ దాదాపుగా పాటలు పాడిన అన్ని సినిమాలు డిజాస్టర్ గా నిలిచాయి. 

అత్తారింటికి దారేది, గబ్బర్ సింగ్ లాంటి రెండు సినిమాలు బాగానే ఆడినా ఎక్కువ భాగం సినిమాలు డిజాస్టర్ గా నిలిచాయి. దీంతో ఆయన మళ్లీ ఈ సినిమాలో పాట పాడితే ఈ సినిమాకి కూడా తాము ఊహించని రిజల్ట్ వస్తే పరిస్థితి ఏమిటని పవన్ ఫ్యాన్స్ భయపడుతున్నారని అంటున్నారు. దాదాపు పవన్ కళ్యాణ్ ఇప్పుడు దాకా 11 పాటలు పాడారు. ఇందులో కేవలం రెండే రెండు సినిమాలు సూపర్ హిట్స్ అయ్యాయి. మరి ఈ సినిమాలో కూడా ఆయన పాట పడుతున్న నేపథ్యంలో ఈ సినిమా ఏమవుతుంది అని టెన్షన్ అయితే అందరిలో నెలకొంది.