జగన్ తాజా నిర్ణయం తెలుగుదేశంపార్టీ మీద తీవ్ర ప్రభావమే చూపుతుందనటంలో సందేహంలేదు. ఎందుకంటే చంద్రబాబు అధికారంలో ఉన్నపుడు బీసీలకు, మహిళలకు, యువతకు ఇన్ని పదవులను కేటాయించలేదన్నది వాస్తవం. ఎంతసేపు సొంత సామాజికవర్గం పెత్తనం, వారసులకే పదవులు కట్టబెట్టేవారు. దాంతో మహిళలు, యువతలో అసంతృప్తి పెరిగిపోయేది. అయినా చంద్రబాబు ఏనాడు పట్టించుకోలేదు. చివరకు చిత్తుగా ఓడిపోయి ప్రతిపక్షంలో కూర్చున్న తర్వాత భర్తీచేసిన పార్టీ పదవుల్లో కూడా యువత, మహిళలు, బీసీలకు ఈ స్ధాయిలో పదవులు కేటాయించలేదు. చంద్రబాబు దృష్టిలో యువతంటే కేవలం వారుసులు మాత్రమే. బీసీలంటే సీనియర్లు మాత్రమే. అధికారంలో ఉన్నంత కాలం చాలా వర్గాలను అసలు దగ్గరకే రానీయలేదు. అలాంటిది జగన్ తాజా నిర్ణయంతో చంద్రబాబుకు వ్యక్తిగతంగానే కాకుండా టీడీపీ మీద కూడా నెగిటివ్ ప్రభావం చూపటం ఖాయమనే అనుమానాలు పెరిగిపోతున్నాయి. తొందరలోనే జరగబోయే తిరుపతి లోక్ సభ ఉపఎన్నికలో జగన్ నిర్ణయం ఎలాంటి ప్రభావం చూపుతుందో గమనించాలి.