ఈ సినిమాకి సంబంధించి కొన్ని ఆసక్తికర అంశాలు ఇప్పుడు జోరుగా ప్రచారం జరుగుతున్నాయి. ఈ సినిమా ఖిలాడి తర్వాత రవితేజ తదుపరి ప్రాజెక్ట్ అవుతుంది. త్రినాద్ రావు నక్కిన దర్శకత్వంలో తెరకెక్కనున్న ఈ సినిమాలో రవితేజ తండ్రిగా ప్రకాష్ రాజ్ కనిపించనున్నారు. కొత్తగా వచ్చిన శ్రీ లీలా మరియు లవ్లీ సింగ్ ఇద్దరూ హీరోయిన్స్ గా నటుస్తున్నారు. ఇక మే 15 నుంచి ఈ ప్రాజెక్ట్ షూటింగ్ మొదలు పెట్టాలని అలానే ఈ ఏడాది చివరి నాటికి షూట్‌ ను ముగించాలని మేకర్స్ యోచిస్తున్నారు. 

ప్రాజెక్ట్ అధికారికంగా ప్రారంభించిన తర్వాత మరిన్ని వివరాలు బయటకు వచ్చే అవకాశం ఉంది. అయితే  కొంతకాలం క్రితం ఈ ప్రాజెక్ట్ అధికారికంగా ప్రకటించబడింది. కధ ప్రకారం ఈ సినిమాలో రవితేజ మురికివాడ కుర్రాడిగా కనిపిస్తాడని, ఎప్పటి లానే ఇది ఒక రివెంజ్ స్టోరీ అని చెబుతున్నారు. హీరో ఒక కార్పొరేట్ వ్యవస్థను ఎలా ఎదుర్కొన్నాడు అనేదే కధ అని అంటున్నారు. అలానే ఈ సినిమా కోసం జాతి రత్నాలు ఫేమ్ ఫరియా అబ్దుల్లాను కూడా సంప్రదించినట్లు పుకార్లు వచ్చాయి, కానీ ఇప్పటివరకు ఎటువంటి ధృవీకరణ లేదు. అయితే ఇలా ఎన్నో సినిమాలలో వచ్చి రొటీన్ గా మారిన కధ చేస్తుండడం ఇప్పుడు ఆసక్తికరంగా మారింది.