పైకి చెప్పుకునేదేమో తాను నిప్పని. కానీ లోపలంతా తుప్పన్న విషయం అందరికీ అర్ధమైపోయింది. తనపై దాఖలైన కేసుల్లో ఒక్కటంటే ఒక్క కేసులో కూడా చంద్రబాబు 40 ఏళ్ళ రాజకీయంలో విచారణను ఎదుర్కోలేదు. ఏదో ఓ పద్దతిలో విచారణను అడ్డుకుంటారు. మళ్ళీ ఒక్క కేసులో కూడా తనను ఏ కోర్టు తప్పుపట్టలేదని మీడియా ముందు ఒకటికి లక్షసార్లు చెప్పుకుంటారు. అసలు కేసులపై విచారణ జరిగితేనే కదా చంద్రబాబు నిప్పా లేకపోతే తుప్పా అని తేలేది. విచారణలో భాగంగా స్టే తెచ్చుకోవటం అందరు చేసేదే. కానీ చంద్రబాబు మాత్రం అసలు విచారణే జరగకుండా స్టే తెచ్చుకోవటమో లేకపోతే విచారణను అడ్డుకోవటంలో బాగా ఎక్స్ పర్టనే చెప్పాలి. మరి తాజా కేసులో శుక్రవారం హైకోర్టు ఏమి నిర్ణయిస్తుందో చూద్దాం.