హెరాల్డ్ ఎడిటోరియల్ : నిమ్మగడ్డ కౌంట్ డౌన్ మొదలైందా ?

ఆ ఫిర్యాదును స్పీకర్ కమిటికి పంపారు. దానిపైనే కమిటి సమావేశమై నిమ్మగడ్డకు నోటీసులు పంపమని సెక్రటరీని ఆదేశించింది. ఛైర్మన్ ఆదేశాల ప్రకారం రాత్రి 10 గంటల ప్రాంతంలో నిమ్మగడ్డకు నోటీసు పంపారు. దీంతో నిమ్మగడ్డపై ప్రివిలేజ్ కత్తి వేలాడటం మొదలైంది. ఇక్కడ గమనించాల్సిన విషయం ఏమిటంటే నోటీసుకు నిమ్మగడ్డ ఎలా స్పందిస్తారన్నది కీలకం. నిజానికి నిమ్మగడ్డ నోటీసుకు స్పందించినా స్పందిచకపోయినా ఒకటే. ఎందుకంటే మంత్రులకు సంబంధించి గతంలో ఇచ్చిన ఆదేశాలు, చేసిన ఫిర్యాదు తప్పని నిమ్మగడ్డ అంగీకరించే అవకాశాలు దాదాపు లేవు. ఒకవేళ అప్పట్లో తన ఆదేశాలు, ఫిర్యాదు కరెక్టే అని సమర్ధించుకున్నా కుదరదు.

ఎందుకంటే నిమ్మగడ్డ మీద చర్యలకు కమిటి ఇప్పటికే డిసైడ్ అయిపోయింది. కాకపోతే కాస్త ప్రొసీజర్ ఫాలోఅవుతోందంతే. ఇందులో భాగంగానే కమిటి తరపున నిమ్మగడ్డకు సెక్రటరీ నోటీసిచ్చారు. వ్యక్తిగతంగా కమిటి ముందు హాజరై సంజాయిషి ఇచ్చుకోవాలని నోటీసులో ఉంది. మరి నిమ్మగడ్డ వ్యక్తిగతంగా సంజాయిషి ఇస్తారా ? ఇవ్వరా ? అన్నదే పాయింట్. నోటీసుపై నిమ్మగడ్డ కోర్టుకెళ్ళేందుకు కూడా లేదు. ఎందుకంటే అసెంబ్లీ వ్యవహారాల్లో కోర్టులు జోక్యం చేసుకునే అవకాశంలేదు. ఒకవేళ కోర్టు జోక్యం చేసుకున్నా అసెంబ్లీ పట్టించుకోవాల్సిన అవసరం అంతకన్నా లేదు. గతంలో మహారాష్ట్ర ప్రభుత్వం-ఎలక్షన్ కమీషనర్-కోర్టు వివాదంలో ఇదే జరిగింది. కాబట్టి నిమ్మగడ్డ మీద ప్రివిలేజ్ కమిటి కత్తి వేలాడుతోంది. మరి తర్వాత స్టెప్ ఏమిటన్నదే సస్పెన్స్.