టాలీవుడ్ యువ హీరో శ్రీవిష్ణు హీరోగా తెరకెక్కిన సినిమా 'గాలి సంపత్ '. ఈ సినిమాలో లవ్ లీ సింగ్ హీరోయిన్ గా నటించింది. ఈ సినిమాకి అనీష్ కృష్ణ దర్శకత్వం వహించాడు. ఇక ఈ చిత్రం మార్చి 11న విడుదలయ్యి ఘోరమైన ప్లాప్ గా మిగిలింది. మినిమం ఓపెనింగ్స్ ను కూడా ఈ చిత్రం రాబట్టలేకపోయింది. అయితే ఈ చిత్రానికి మహేష్ బాబు కి సంబంధం ఏంటి అనుకుంటున్నారా? సంబంధం వుంది… 'గాలి సంపత్' కు స్టార్ డైరెక్టర్ అనిల్ రావిపూడి కూడా సహా నిర్మాతగా వ్యవహరించాడు. అంతేకాదు స్క్రీన్ ప్లే ను కూడా అందించాడు. డైరెక్టర్ గా అన్ని సినిమాలు హిట్లు కొట్టిన అనిల్..ప్రొడ్యూసర్ గా మాత్రం సక్సెస్ కాలేకపోయాడు.అందులోనూ అతని స్క్రీన్ ప్లే కూడా ప్రేక్షకులనుఆకట్టుకోలేకపోయింది.'అవుట్ డేటెడ్' అంటూ ప్రేక్షకులు ఈ చిత్రం పై విమర్శలు గుప్పించారు. ఇక 'సర్కారు వారి పాట' చిత్రం పూర్తయిన వెంటనే అనిల్ రావిపూడి డైరెక్షన్లో మహేష్ బాబు సినిమా ఉంటుందని ఇన్సైడ్ టాక్ గట్టిగా వినిపిస్తుంది. అందుకే మహేష్ ఫ్యాన్స్ టెన్షన్ పడుతున్నారు.