ఇక నాని ఆ లేఖను ఉద్దేశిస్తూ ఎవరైనా ఇలాంటిది మీకు ఇస్తే, అది కూడా వారు ఒక అద్భుతమైన ఎయిర్ హోస్టెస్ అయితే మీరు ఇక అధికారికంగా ముసలోడు అయిపోయినట్లే అంటూ సరదాగా పేర్కొన్నాడు. ప్రస్తుతం ఈ పోస్ట్ ఇంటర్నెట్ లో విపరీతంగా వైరల్ అవుతోంది. ఆ లేడీ ఫ్యాన్ ఉద్దేశం ప్రకారం ఆమె చిన్ననాటి నుంచి నాని సినిమాలు చూస్తూ పెరిగానని చెప్పుకొచ్చింది, దీంతో నాని తాను ముసలోడు అయిపోయానని సరదాగా చెప్పుకొచ్చాడు అన్నమాట. 

ఇక సినిమాల విషయానికి వస్తే నాని ప్రస్తుతం టక్ జగదీష్ అనే సినిమా చేస్తున్నాడు, శివ నిర్వాణ దర్శకత్వంలో ఈ సినిమాను సాహు గార్లపాటి, హరీష్ పెద్ది షైన్ స్క్రీన్ ఎంటర్టైన్మెంట్ బ్యానర్ మీద నిర్మిస్తున్నారు. ఇక మరో పక్క ఆయన రాహుల్ సాంకృత్యాయన్ దర్శకత్వంలో శ్యాం సింగరాయ్ అనే సినిమాలో కూడా నటిస్తున్నాడు. నేచురల్ పెర్ఫార్మర్ గా పేరు తెచ్చుకున్న నాని 2008 లో విడుదలైన ఇంద్రగంటి మోహన్ కృష్ణ ’రొమాంటిక్ అండ్ కామెడీ చిత్రం అష్టా చమ్మ తో హీరోగా తెరంగ్రేటం చేశాడు. పూర్తి నటుడిగా మారే ముందు, ఈయన శ్రీను వైట్ల, బాపు వంటి ప్రముఖ దర్శకుల వద్ద అసిస్టంట్ గా పని చేశాడు.