డబ్బులు ఇస్తే చైర్మన్ పదవి మీకే ఇస్తా అని ఎమ్మెల్యే అంటున్నారని ప్రజల కోసం ఎంతైనా ఖర్చు చేయడానికి వెనుకాడనని ఆమె అన్నారు. అయితే వైసీపీకి ఎప్పుడూ విధేయులమేనని పార్టీ కోసం కష్టపడి పనిచేసిన వారిని కాదని, టీడీపీ నుంచి వచ్చిన వారికి పదవులు కట్టబెట్టడం సమంజసం కాదని ఆమె పేర్కొన్నారు. తన అత్త వేల్పుల శివమ్మకు కాకుండా తనకే ఛైర్‌పర్సన్‌ పదవి ఇవ్వాలని కోడలు వంగల జ్ఞాన ప్రసూన డిమాండ్ చేస్తోంది. అంతేకాక తాము వైసీపీ పార్టీకి వ్యతిరేకం కాదని జమ్మలమడుగు ఎమ్మెల్యే సుధీర్ రెడ్డికి మాత్రమే వ్యతిరేకమని ఆమె అంటోంది. 

జ్ఞాన ప్రసన్న…ఎమ్మెల్యే తీరుకు నిరసనగా కౌన్సిలర్ పదవికి రాజీనామా చేశానని చెబుతున్నారు. నిజానికి జమ్మలమడుగు మున్సిపాలిటీలో 20 వార్డులకు గాను, 18 వార్డులు వైసీపీ గెలవగా, మరో 2 వార్డులలో బీజేపీ గెలిచింది. అయితే ఈ జమ్మలమడుగు మున్సిపల్ చైర్ పర్సన్ బీసీ మహిళలకు కేటాయించడంతో అత్తాకోడళ్ల యిన వంగల జ్ఞాన ప్రసూన ..వేల్పుల శివమ్మ మధ్య పోటా పోటీగా చైర్ పర్సన్ వార్ నడుస్తోంది. వేల్పుల శివమ్మకు ఎమ్మెల్యే సుధీర్ రెడ్డి సపోర్ట్ చేస్తున్న నేపథ్యంలో ఈ వివాదం పెద్దదయింది.