ఆయన ఎవరో కాదు, తాజాగా జాతి రత్నాలు సినిమాతో హిట్ కొట్టిన ప్రియదర్శి,  ఈ మధ్యకాలంలో కమెడియన్ గా బిజీ అవుతున్న ప్రియదర్శి ఇప్పుడు డైరక్టర్ గా అవతారమెత్తుతున్నారని అంటున్నారు. విజయ్ దేవరకొండ చిత్రం పెళ్లిచూపులు సినిమాతో కమెడియన్‌గా మంచి గుర్తింపు తెచ్చుకున్న ప్రియదర్శి తనకంటూ ఓ ప్రత్యేక గుర్తింపు తెచ్చుకున్నాడు. తాజాగా ప్రియదర్శి మీడియాతో మాట్లాడుతూ.. డైరెక్టర్ డిపార్ట్మెంట్ లో రాణించాలనే కోరిక ఉందంటూనే.. దాని కోసం కథను కూడా సిద్ధం చేసుకుంటున్నట్లు తెలిపారు. 

అయితే మెగాఫోన్ కు శాశ్వతంగా అంకితం అయిపోనని.. అవకాశం ఉన్నప్పుడు మాత్రమే దర్శకత్వం చేస్తానని చెప్పుకొచ్చాడు. అయితే తన ఫోకస్ యాక్టింగ్ మీదనే అని యంగ్ కమెడియన్ ప్రియదర్శి తెలిపాడు. ఇక ఆ మధ్య కూడా మిఠాయి అనే సినిమా ఆడియో ఫంక్షన్‌లో దర్శకుడు తరుణ్‌ భాస్కర్‌ వెల్లడించారు. అలా గతంలో దర్శకత్వం చేసే ఆలోచన ఉన్నట్టు చెప్పారు  ప్రియదర్శి. అయితే మరి ప్రియదర్శి డైరక్ట్ చేయబోయే హీరో ఎవరు. ? అనే దాని మీద ఆసక్తికర చర్చ నడుస్తోంది. ఇక ఆ హీరో విజయ్ దేవరకొండ అయ్యింటాడు అని ప్రచారం కూడా జరుగుతోంది మరి.