కాగా ఈ సినిమాని వచ్చే ఏడాది సంక్రాంతి కానుకగా రిలీజ్ చేయనున్నారు. ఇక చిత్ర పరిశ్రమలోని తన తోటి నటులతో మహేష్ మంచి స్నేహానుబంధాన్ని ఏర్పరుచుకుంటూ ఉంటారు అనే విషయం తెలిసిందే. మరీ ముఖ్యంగా రామ్ చరణ్, ఎన్టీఆర్ అలానే సుమంత్, నాగార్జున, చిరంజీవి, బాలకృష్ణ, వెంకటేష్ వంటి వారితో మహేష్ కి మంచి అనుబంధం ఉంది. ఇటీవల మహేష్ నటించిన భరత్ అనే నేను సినిమా ఆడియో ఫంక్షన్ కి ఎన్టీఆర్ ప్రత్యేక అతిథిగా విచ్చేసి సందడి చేసిన విషయం తెలిసిందే. అలానే ఆయన ఇటీవల వెంకటేష్ తో సీతమ్మ వాకిట్లో సిరిమల్లె చెట్టు అనే మల్టీస్టారర్ సినిమా కూడా చేసారు. అలానే భవిష్యత్తులో మంచి స్క్రిప్ట్ దొరికితే ఇతర నటులతో కూడా చేస్తానని ఆయన చెప్పడం జరిగింది.  

అంటే అసలు మ్యాటర్ ఏంటంటే లేటెస్ట్ గా కొన్ని ఫిల్మ్ నగర్ వర్గాల నుండి మా ఏపీ హెరాల్డ్ సంస్థకు అందుతున్న సమాచారాన్ని బట్టి అతి త్వరలో మెగా పవర్ స్టార్ రామ్ చరణ్, సూపర్ స్టార్ మహేష్ బాబు ల కలయికలో ఒక భారీ మల్టీస్టారర్ రూపొందనుందని ఇప్పటికే ఈ సినిమాకు సంబంధించి ఒక యువ దర్శకుడి ఆధ్వర్యంలో అద్భుతమైన స్టోరీ సిద్ధం చేయించిన టాలీవుడ్ బడా ప్రొడ్యూసర్ ఒకరు, ప్రస్తుతం దాని పూర్తి స్క్రిప్టు రూపొందించే పనిలో ఉన్నారని అంటున్నారు. అయితే ప్రస్తుతం అటు మహేష్, ఇటు రామ్ చరణ్ ఇద్దరి ప్రస్తుత కమిట్మెంట్స్ పూర్తయిన తర్వాతనే ఇది పట్టాలెక్కుతుందని అలానే దీనిపై పూర్తి అధికారిక న్యూస్ వచ్చే ఏడాది మధ్యలో వెలువడనుందని చెప్తున్నారు. మరి ఇదే గనుక నిజమైతే తొలిసారిగా వెండితెరపై మహేష్, చరణ్ లిద్దరినీ ఒకేసారి చూడవచ్చు..... !!