ఇక ప్రస్తుతం వరుణ్ , విక్టరీ వెంకటేష్ తో కలిసి అనిల్ రావిపూడి తీస్తున్న ఎఫ్3, అలానే కిరణ్ కొర్రపాటి దర్శకత్వంలో గని అనే స్పోర్ట్స్ డ్రామా సినిమాల్లో నటిస్తున్నాడు. కాగా వీటిలో ముందుగా జులై 30న గని మూవీ రిలీజ్ కానుంది. ఈ సినిమాలో వరుణ్ ఒక కిక్ బాక్సర్ గా కనిపించనున్నట్లు టాక్. మంచి కాన్సెప్ట్ కి పలు కమర్షియల్ హంగులు కలగలిపి దర్శకుడు కిరణ్ తీస్తున్న ఈ సినిమా అన్ని వర్గాల ఆడియన్స్ ని ఆకట్టుకుని తప్పకుండా విజయం సాదిస్తుందని యూనిట్ ఆశాభావం వ్యక్తం చేస్తున్నట్లు తెలుస్తుంది. 

అయితే అసలు మ్యాటర్ ఏమిటంటే, ఈ సినిమా విడుదలకు పట్టుమని నాలుగు నెలల సమయం కూడా లేదని, కానీ ఇంకా సినిమా యూనిట్ ఇప్పటివరకు దీనికి సంబంధించి ఫస్ట్ లుక్ టీజర్ వంటి ప్రమోషన్స్ కూడా మొదలెట్టకపోవడం పై మెగా ఫ్యాన్స్ కొంత అసంతృప్తి వ్యక్తం చేస్తూ సోషల్ మీడియా మాధ్యమాల్లో కామెంట్స్ చేస్తున్నారు. కాగా అందుతున్న సమాచారాన్ని బట్టి వచ్చే నెలలో ఈ మూవీ టీజర్ రిలీజ్ అయ్యే ఛాన్స్ ఉందని అంటున్నారు. మరి అదే కనుక నిజం అయితే మెగా ఫ్యాన్స్ కి అది సూపర్ న్యూస్ అనే చెప్పాలి.... !!