ప్రముఖ సీనియర్ నటుడు శ్రీకాంత్ ఈ సినిమా లో విలన్ గా నటిస్తున్నట్లు సమాచారం. కెరీర్ పరంగా ఆశించిన రేంజి సక్సెస్ లేక కొన్నాళ్ల నుండి సతమతమవుతున్న బాలయ్యకు ఈ మూవీ రిలీజ్ తర్వాత భారీ సక్సెస్ అందుకుని మంచి బ్రేక్ ని అందివ్వడం ఖాయమని యూనిట్ ఆశాభావం వ్యక్తం చేస్తున్నట్లు తెలుస్తోంది. ఇక గత ఏడాది బాలయ్య జన్మదినం సందర్భంగా రిలీజ్ అయిన ఈ మూవీ ఫస్ట్ లుక్ టీజర్ కి నందమూరి ఫ్యాన్స్ తో పాటు నార్మల్ ఆడియన్స్ నుంచి కూడా సూపర్ రెస్పాన్స్ వచ్చింది. బాలయ్య మార్క్ యాక్షన్, పవర్ ఫుల్ డైలాగ్స్ తో పాటు తన మార్క్ అదిరిపోయే ఫైట్ సన్నివేశాలను కూడా జొప్పించి అన్ని వర్గాల ఆడియన్స్ ని అలరించేలా దర్శకుడు బోయపాటి ఈ సినిమాని తెరకెక్కిస్తున్నారని అంటున్నారు. 

ఇక ఈ సినిమా యొక్క అఫీషియల్ టైటిల్ ని వచ్చేనెలలో ఉగాది పర్వదినం రోజున ఎనౌన్స్ చేయనుందట యూనిట్. కాగా ఈ సినిమాకి గాడ్ ఫాదర్, మోనార్క్ అనే టైటిల్స్ పరిశీలనలో ఉన్నట్లు కొద్దిరోజులుగా వార్తలు ప్రచారం అవుతున్నాయి. మరి ఈ రెండిట్లో ఏదైనా ఫైనల్ టైటిల్ గా ఎంపిక చేస్తారా లేదా మరేదైనా ఫిక్స్ చేస్తారా అనేది తెలియాలంటే మరికొద్ది రోజుల వరకు వెయిట్ చేయక తప్పదు. కాగా ఈ సినిమా మే 28న రిలీజ్ కానుంది.....!!