ఇక ప్రస్తుతం కొరటాల దర్శకత్వంలో నటిస్తున్న ఆచార్య మూవీ కూడా ఆకట్టుకునే కథాకథనాలతో తెరకెక్కుతున్నట్లు సమాచారం. కొణిదెల ప్రొడక్షన్ కంపెనీ, మ్యాట్నీ ఎంటర్టైన్మెంట్స్ సంస్థలు కలిసి సంయుక్తంగా నిర్మిస్తున్న ఈ సినిమాలో తొలిసారిగా చిరంజీవితో పాటు మెగా పవర్ స్టార్ రామ్ చరణ్ కూడా ఇందులో ఒక కీలక పాత్ర చేస్తుండగా కాజల్ అగర్వాల్, పూజ హెగ్డే హీరోయిన్స్ గా నటిస్తున్నారు. ప్రముఖ ఫోటోగ్రాఫర్ తిరు కెమెరామెన్ గా వ్యవహరిస్తున్న ఈ సినిమాకి ప్రఖ్యాత సంగీత దర్శకుడు మణిశర్మ స్వరాలు సమకూరుస్తున్నారు. 

మంచి మెసేజ్ తో పాటు ఆకట్టుకునే కథాకథనాలు కమర్షియల్ హంగులతో దర్శకుడు కొరటాల తీస్తున్న ఈ సినిమా మెగా ఫ్యాన్స్ తో పాటు సాధారణ ఆడియన్స్ ను కూడా ఆకట్టుకుంటుందని యూనిట్ ఆశాభావం వ్యక్తం చేస్తోంది. అయితే ఈ సినిమాలో కామెడీ ఎంటర్టైన్మెంట్ సన్నివేశాలు కూడా అందరినీ ఎంతో ఆకట్టుకుంటాయని ముఖ్యంగా చిరంజీవికి అలానే వెన్నెల కిషోర్ కి మధ్య వచ్చే కొన్ని సన్నివేశాలు అయితే ఎంతో గిలిగింతలు పెడతాయని అంటున్నారు. తన మార్కు మెసేజ్ తో పాటు పక్కా ఎంటర్టైనర్ గా కొరటాల తీస్తున్న ఈ సినిమా ఏ రేంజిలో సక్సెస్ అవుతోందో తెలియాలంటే మరి కొన్ని నెలల వరకు వెయిట్ చేయక తప్పదు..... !!