విజయేంద్రప్రసాద్ కథని సాయిమాధవ్ బుర్రా డైలాగ్స్ ని అందిస్తున్న ఈ సినిమాకి రమా రాజమౌళి స్టైలిస్ట్ గా వ్యవహరిస్తున్నారు. ఇక ఇప్పటికే చాలా వరకు షూటింగ్ పూర్తి చేసుకున్న ఈ సినిమా ప్రస్తుతం క్లైమాక్స్ సన్నివేశాలు చిత్రీకరణ జరుపుకుంటోంది. ఇక ఈ సినిమా ఈ ఏడాది అక్టోబర్ 13న రిలీజ్ కానుంది. దీని తర్వాత త్రివిక్రమ్ దర్శకత్వంలో మరో సినిమా చేయనున్నారు ఎన్టీఆర్. నిజానికి ఈ పాటికి ఈ మూవీ ప్రారంభం కావాల్సి ఉండగా మధ్యలో కరోనా కారణంగా ఆర్ఆర్ఆర్ షూటింగ్ ఆలస్యం కావడంతో దీనిని కొన్నాళ్లపాటు ముందుకు జరిపారు. 

అయితే లేటెస్ట్ గా పలు ఫిల్మ్ నగర్ వర్గాల నుండి అందుతున్న సమాచారాన్ని బట్టి ఈ సినిమాని వచ్చేనెల 13న ఉగాది పండుగ కానుకగా బిగిన్ చేసేందుకు యూనిట్ ప్రణాళికలు సిద్ధం చేసిందని ఆ రోజున అధికారిక పూజా కార్యక్రమాలు జరిపిన అనంతరం ఫస్ట్ షెడ్యూల్ మొదలవుతుందని అంటున్నారు. అలానే దీనిని వచ్చే ఏడాది సమ్మర్ కానుకగా రిలీజ్ చేయనున్నారని సమాచారం. మరి రెండోసారి ఎన్టీఆర్, త్రివిక్రమ్ ల కాంబినేషన్ లో రాబోతున్న ఈ సినిమా ఏ రేంజి సక్సెస్ ని అందుకుంటుందో తెలియాలంటే మరి కొన్ని నెలల వరకు వెయిట్ చేయక తప్పదు.....!!