ఇక చిరుతో ప్రముఖ కమెడియన్ వెన్నెల కిషోర్ కామెడీ చెయ్యబోతున్నాడట. వీరిద్దరి మధ్య నడిచే కామెడీ ట్రాక్ 'ఆచార్య' సినిమాకి హైలైట్ గా నిలుస్తుందని చెబుతున్నారు.సాధారణంగా వెన్నెల కిషోర్ కామెడీ అంటే ఎలా ఉంటుందో తెలిసిందే. తొలిసారి ఈ కమెడియన్ కి మెగాస్టార్ తో కలిసి కామెడీ ఛాన్స్ వచ్చింది. మరి వీరిద్దరూ కలిసి వెండితెరపై ఎలాంటి రచ్చ చేస్తారో చూడాలి. చిరు మార్క్ కామెడీని ఈ సినిమాలో ప్రేక్షకులు చూడబోతున్నారని సమాచారం. సినిమాలో చిరు గ్యాంగ్ లో బెనర్జీ, వెన్నెల కిషోర్, తనికెళ్ల భరణి ఉంటారని.. వాళ్ళతో చిరు చేసే కామెడీ సీన్లు బాగా వచ్చాయని టాక్. ఈ కామెడీ ట్రాక్ పై కొరటాల ప్రత్యేక దృష్టి పెట్టాడట.సినిమాలో కామెడీ ట్రాక్స్ అన్నీ కూడా శ్రీధర్ సీపానే రాసినట్లు తెలుస్తోంది.