అలాగే పట్టణ అభివృద్ధికి కృషి చేస్తామని  వార్డు ప్రజలకు హామీ ఇస్తూ ప్రచారం నిర్వహించారు. అనంతరం ఏపీ సీఎం జగన్ మోహన్ రెడ్డి  ప్రభుత్వం ఒక చేత్తో సంక్షేమ పథకాలు అందిస్తూ రెండు చేతులతో లాక్కుంటున్నారని, అలాగే తెలుగుదేశం నాయకులు, కార్యకర్తలు పై దౌర్జన్యం చేస్తున్నారని విమర్శించారు. మా కార్యకర్తలలో ఆత్మస్థైర్యం నింపడానికి ఈ ప్రచారంలో పాల్గొని వాళ్ల వెంట ఎప్పటికీ ఉంటామని పవన్ అన్నారు. ఇక గుత్తి మున్సిపాలిటీలో 25 వార్డులు ఉండగా అందులో ఏకగ్రీవాలు - 6 అయ్యాయి. అవి అన్నీ వైసీపీకే అయ్యాయి. 

ఇక ఎన్నికలు జరగాల్సిన వార్డులు 19 ఉన్నాయి.  ఈసారి చైర్మన్ పీఠం జనరల్ మహిళలకు కేటాయించడంతో చాలామంది నాయకులు ఇప్పటికే తమ భార్యలను రంగంలోకి దింపారు.. దీంతో ప్రధానంగా చైర్మన్ పదవికి తీవ్ర పోటీ నెలకొని ఉంది. కొంత మంది అభ్యర్థులు తమ పోటీదారులు ఓట్లు చీల్చి వారిని ఓడించేందుకు గాను తమ మద్దతుతో కొంత మంది స్వతంత్ర అభ్యర్థులు బరిలో నిలిచారు. స్వయంగా వారే డిపాజిట్లు చెల్లించి మరీ తమ మద్దతుదారులను తమ వార్డులోని పోటీ చేయించడం ఆసక్తికరంగా మారింది.