WEB DESK
حکومت ہند نے بھارت کی آزادی کی پچہتر سال پورے ہونے کی تقریباتمنانے کیلئے وزیراعظم نریندر مودی کی سربراہی میں ایک قومی کمیٹی قائم کی ہے۔ یہ کمیٹی259 ارکان پر مشتمل ہے اور اِس میں زندگی کے سبھی شعبوں سے وابستہ سرکردہ شہری اورشخصیات شامل ہیں۔ کمیٹی قومی اور بین الاقوامی سطح پر پروگراموں کیلئے پالیسی اور رہنمااصول طے کرے گی۔ بھارت کی آزادی کی 75 سالہ تقریبات اِس سال 12 مارچ سے پہلے شروع کیجائیں گی، جن کے 75 ہفتے تک جاری رکھنے کی تجویز ہے۔ مہاتماگاندھی کی طرف سے تاریخینمک ستیہ گرہ شروع کرنے کو 12 مارچ کو 91 سال پورے ہوجائیں گے۔ کمیٹی کی پہلی میٹنگپیر کے روز ہوگی
15 اگست ، 2017 کی یوم آزادی کے موقع پر اپنے خطاب میں محترم وزیر اعظم ، جناب نریندر مودی نے کہا تھا:
“ہم ملک کے کسی بھی خطے سے تعلق رکھنے کے باوجود اگر ہم میں سے ہر فرد ایک نئے عزم ، نئی توانائی اورنئی طاقت کے ساتھ جدوجہد کرے ، تو ہم 2022 میں اپنی آزادی کے 75 ویں سال میں اپنی مشترکہ طاقت سے ملک کی تصویر بدل سکتے ہیں۔ یہ ایک جدید ہندوستان ہوگا – ایک محفوظ ، خوشحال اور مضبوط ملک ۔ ہم ایک ایساجدید ہندوستان ، جہاں سب کے لئے یکساں مواقع موجود ہوں، جہاں پوری دنیا میں ملک کی سربلندی میں جدید سائنس اور ٹکنالوجی اہم کردار ادا کرے۔”
محترم وزیر اعظم کے الفاظ سے متاثر ہوکر ،حکومت ہند نے 15 اگست 2022 کو ہندوستان کی آزادی کے 75 سال کے جشن کوقومی و بین الاقوامی سطح پر ‘آزادی کا امرت مہوتسو’کے طور پر منانے کا فیصلہ کیا ہے ۔ قبل ازیں وزیر داخلہ کی سربراہی میں ایک قومی عمل آوری کمیٹی تشکیل دی گئی تھی ۔ یہ کمیٹی ہندوستان کی آزادی کے75 سال کے جشن کے دوران حکومت ہند کی مختلف وزارتوں کے ذریعہ کیے جانے والے پروگراموں کے بارے میں ان کی رہنمائی کرے گی۔ اس مقصد کے لئے سیکرٹریوں کی ایک کمیٹی بھی تشکیل دی گئی ہے۔