దాదాపుగా మూడేళ్ళ గ్యాప్ తరువాత వస్తున్న మూవీ కావడంతో ముఖ్యంగా పవర్ స్టార్ పవన్ కళ్యాణ్ ఫ్యాన్స్ తో పాటు మాములు ఆడియన్స్ లో కూడా దీనిపై విపరీతమైన అంచనాలు ఉన్నాయి. ఇక ఇటీవల రిలీజ్ అయిన ఈ మూవీ ఫస్ట్ లుక్ టీజర్ అలానే మగువ మగువ అనే లిరికల్ సాంగ్ మూవీపై మరింతగా అంచనాలు పెంచాయి. అసలు మ్యాటర్ ఏమిటంటే, నిన్న ఈ మూవీ నుండి సత్యమేవ జయతే అనే లిరికల్ సాంగ్ రిలీజ్ అయింది. 

పవన్ కళ్యణ్ యొక్క వ్యక్తిత్వాన్ని ప్రతిబింబించేలా ప్రముఖ పాటల రచయిత రామజోగయ్య శాస్త్రి ఎంతో అద్భుతంగా సాహిత్యాన్ని అందించిన ఈ సాంగ్ ని శంకర్ మహదేవన్ మరింత అద్భుతంగా ఆలపించగా థమన్ సూపర్ ట్యూన్ అందించారు అనే చెప్పాలి. ఇక ప్రస్తుతం ఈ సాంగ్ యూట్యూబ్ లో భారీ వ్యూస్, లైక్స్ తో దూసుకెళ్తుండడంతో పలువురు పవర్ స్టార్ ఫ్యాన్స్ సంగీత దర్శకుడు థమన్ కి నీరాజనాలు పడుతున్నారు. మా హీరో కి సూపర్ సాంగ్ ఇచ్చావు, తప్పకుండా ఇలానే మిగతా సాంగ్స్ తో పాటు బ్యాక్ గ్రౌండ్ స్కోర్ కూడా ఇవ్వాలి అంటూ థమన్ పై ప్రశంసలు కురిపిస్తూ తమ సోషల్ మీడియా అకౌంట్స్ ద్వారా కామెంట్స్ చేస్తున్నారు..... !!