ఈ సినిమాలో హీరోయిన్ ఎంపిక చేయడం కూడా ఇప్పుడు దర్శకుడికి తలనొప్పిగా మారిందని అంటున్నారు.. ఈ సినిమాలో హీరోయిన్ గా నటించమని శృతిహాసన్ ను దర్శకుడు కోరారట. శృతిహాసన్ తెలుగులో రీ ఎంట్రీ ఇవ్వడానికి ప్రయత్నాలు చేస్తున్న సమయంలో ఆయనే స్వయంగా క్రాక్ సినిమాలో అవకాశం ఇచ్చి ఆమెను ప్రోత్సహించారు. తాను అడిగితే కచ్చితంగా సినిమా ఒప్పుకుంటుందని భావించి ఆమెను అప్రోచ్ అయ్యారు దర్శకుడు గోపీచంద్ మలినేని. అయితే ఇవేవీ పట్టించుకోని శృతిహాసన్ బాలకృష్ణ సరసన హీరోయిన్ గా నటించలేనని తేల్చి చెప్పినట్లు సమాచారం. 

దానికి స్పష్టంగా కారణాలు ఏమీ చెప్పకపోయినా ఆమె ప్రభాస్ సినిమాలో హీరోయిన్ గా నటించడమే కారణమని తెలుస్తోంది. ఆమె ప్రభాస్ సరసన ప్రశాంత్ నీల్ దర్శకత్వంలో తెరకెక్కుతున్న సలార్ అనే సినిమాలో హీరోయిన్ గా నటిస్తోంది, అలాంటిది ఇప్పుడు బాలయ్య సరసన నటిస్తే తనకు ఫ్యూచర్లో ఇబ్బందులు ఎదురవుతాయని భావించి ఆమె ఈ ఆఫర్ రిజెక్ట్ చేసినట్లుగా ప్రచారం జరుగుతోంది. దీంతో ఇప్పుడు దర్శకనిర్మాతలు బాలయ్య సరసన నటించే మరో హీరోయిన్ కోసం వెతుకులాటలో పడ్డారు. ఈ సినిమాని మైత్రి మూవీ మేకర్స్ వారు తెరకెక్కిస్తున్న సంగతి తెలిసిందే.