వారిని నయానో భయానో పోటీ నుంచి తప్పించేందుకు వైసీపీ పెద్దలు రంగంలోకి దిగినట్లు చెబుతున్నారు. ఏకంగా టిడిపి అభ్యర్థిని తప్పించేందుకు వారికి 30 లక్షల దాకా ఆఫర్ చేస్తున్నట్లు తెలుస్తోంది. ఆఫర్ ఒప్పుకుని పక్కకు తప్పుకుంటే 30 లక్షల రూపాయలు క్యాష్ ఇస్తామని లేదంటే భవిష్యత్తులో అనేక ఇబ్బందులు ఎదుర్కోవాల్సి వస్తుందని హెచ్చరికలు కూడా జారీ చేస్తున్నట్లు చెబుతున్నారు. నిజానికి అనంతపురం కార్పొరేషన్ విషయంలో అధికార పార్టీ నుంచి ఇప్పటికే నలుగురు మేయర్ రేసులో ఉన్నారు. 

ఎవరికి వారు వీలైనంతగా టీడీపీ అభ్యర్థులను పోటీ నుంచి తప్పించే ప్రయత్నాలు చేస్తున్నట్లు తెలుస్తోంది. దాదాపుగా అన్ని మున్సిపాలిటీల్లో కూడా ఇదే పరిస్థితి నెలకొన్నదని చెబుతున్నారు. అయితే ముందుగానే జాగ్రత్త పడిన టిడిపి తమ అభ్యర్థులను ఎవరికీ కనిపించకుండా క్యాంపు రాజకీయం మొదలు పెట్టింది. దీంతో మొదటి రోజు వ్యూహం బెడిసికొట్టడంతో ఈ రోజు అయిన వీలైనంతగా నామినేషన్లు ఉపసంహరింప చేయాలని అధికార పార్టీకి సంబంధించిన వారు ప్రయత్నాలు ముమ్మరం చేసినట్లు చెబుతున్నారు. ఈరోజు మూడు గంటల తర్వాత పోటీలో ఎవరు నిలవనున్నారు అనే అంశం మీద క్లారిటీ రానుంది.