ఇక అక్కడి నుండి వరుసగా సినిమాలతో పాటు ఎన్నో బ్లాక్ బస్టర్ సక్సెస్ లు తన ఖాతాలో వేసుకుంటూ సాగుతున్న మహేష్ రెఫరెన్సు తో ఇప్పటికే అక్కడక్కడ కొన్ని సినిమాలు వస్తున్నాయి. కొన్నేళ్ల క్రితం ఇంద్రగంటి మోహన కృష్ణ తీసిన అష్టా చమ్మా మూవీ పూర్తిగా మహేష్ బాబు రిఫరెన్స్ తో సాగి సూపర్ హిట్ కొట్టడం విశేషం. ఇక ఇప్పుడు ఇదంతా ఎందుకు చెప్పుకుంటున్నాం అంటే ప్రస్తుతం యువ నటుడు నాగ చైతన్య మొత్తం రెండు సినిమాల్లో హీరోగా యాక్ట్ చేస్తున్నారు. వాటిలో ఒకటి శేఖర్ కమ్ముల దర్శకత్వంలో తెరకెక్కుతున్న లవ్ స్టోరీ కాగా మరొకటి విక్రమ్ కె కుమార్ తెరకెక్కిస్తున్న థాంక్యూ. 

అయితే లేటెస్ట్ గా కొన్ని ఫిలిం నగర్ వర్గాల నుండి మా ఏపీ హెరాల్డ్ సంస్థకు అందుతున్న సమాచారాన్ని బట్టి ఈ రెండు సినిమాల్లో కూడా నాగ చైతన్య మహేష్ బాబు కు వీరాభిమానిగా నటిస్తున్నారని టాక్. నిజానికి ఇటీవల చైతన్య థాంక్యూ మూవీ లో మహేష్ ఫ్యాన్ గా నటిస్తున్న ఒక సన్నివేశం తాలూకు ఫోటోలు సోషల్ మీడియా లో లీక్ అయి సెన్సేషన్ అయ్యాయి. మరి ప్రస్తుతం ప్రచారం అవుతున్న ఈ వార్త కనుక నిజం అయితే ఈ రెండు సినిమాలకు కొంతవరకు మహేష్ ఫ్యాన్స్ యొక్క మద్దతు లభించే ఛాన్స్ ఉందని అంటున్నారు విశ్లేషకులు....!!