తెలుగుదేశంపార్టీలో చూస్తే ఎంఎల్సీ అయినా రాజ్యసభ అయినా చంద్రబాబు ఎంపిక చేసిన వ్యక్తులు ఖరీదైన కార్పొరేట్ అధిపతులే. సుజనా చౌదరి, సీఎం రమేష్, టీజీ వెంకటేష్, గరికపాటి మోహన్ రావు, చైతన్య రాజు లాంటి వాళ్ళను చూస్తే చాలు వాళ్ళ నేపధ్యం ఏమిటో అర్ధమైపోతుంది. వచ్చేది ఒకటే సీటైనా నాలుగు సీట్లైనా చంద్రబాబు చాలామందికి హామీ ఇచ్చేస్తారు. చివరకు ఎవరో కార్పొరేట్లను ఎంపిక చేస్తారు. చంద్రబాబు ఎంపికలో అత్యధికం ఇలాంటివే అనటంలో సందేహం లేదు. జగన్ కూడా గతంలో కొందరికి హామీ ఇచ్చుండచ్చు. కానీ వచ్చే పదవులను బట్టి ఎవరికిస్తే బాగుంటుందనే విషయాన్ని ఫైనల్ చేస్తారు. ఇప్పటివరకు ఇలా ఎంపికైనా వారిని చూస్తే తప్పు పట్టినవాళ్ళెవరు లేరు. ఇక్కడే జగన్-చంద్రబాబు గురించి జనాల్లో చర్చ జరుగుతోంది.