అలాగే స్కూళ్ళ ముఖచిత్రాలను మార్చటం కోసం ‘మనబడి నాడు-నేడు’  అనే కార్యక్రమానికి శ్రీకారం చుట్టారు. దీనివల్ల పాఠశాలల ముఖచిత్రమే మారిపోయింది. కనీస సౌకర్యాలైన మంచినీరు, టాయిలెట్లు, కాంపౌండ్ వాల్, డిజిటల్ బోర్డులు, ఇంటర్నెట్ సౌకర్యం, కుర్చీలు, బల్లలు ఏర్పడ్డాయి. దాంతో ప్రభుత్వ స్కూళ్ళే కార్పొరేట్ స్కూళ్ళకు మించి కనబడుతున్నాయి. ఇదే సమయంలో అమ్మఒడి పథకంలో స్కూలుకు వెళ్ళే పిల్లల తల్లులకు జగన్ డబ్బులు వేస్తున్నారు. దీంతో ప్రైవేటు స్కూళ్ళల్లోని పిల్లలందరు ప్రభుత్వ స్కూళ్ళకు వచ్చేస్తున్నారు. పోయిన విద్యాసంవత్సరంలో ప్రైవేటు స్కూళ్ళల్లో చదువుతున్న విద్యార్ధులు సుమారు 3 లక్షల మంది ప్రభుత్వ స్కూళ్ళల్లో చేరిపోయారు.