ఈ సినిమా పేరు షాదీముబారక్, కాగా ఈ సినిమా ట్రైలర్ కూడా నిన్ననే రిలీజ్ అయింది. స్థూలంగా ఈ ట్రైలర్ ద్వారా ఏం అర్థం అవుతుంది అంటే ఫారెన్ నుంచి వచ్చిన ఒక ఎన్ ఆర్ ఐ వెంట వెంటనే మూడు పెళ్లిచూపులకి వెళ్తాడు. ఆయా పెళ్లి చూపులలో ఆయనకు ఎదురైన అనుభవాలతోనే ఈ సినిమా తీశారు. దిల్ రాజు నుంచి సినిమా వస్తుందంటే కచ్చితంగా హిట్ సినిమా అని జనం భావిస్తారు. అందుకు తగ్గట్లే సినిమా ట్రైలర్ కూడా ఆసక్తికరంగా ఉంది. అయితే ఈ సినిమా ద్వారా కొత్త దర్శకుడు పద్మశ్రీ అనే ఆయన దర్శకుడిగా పరిచయం అవుతున్నాడు. 

ఈ సినిమాని మార్చి ఐదో తేదీన రిలీజ్ చేస్తున్నాడు దిల్ రాజు. నిజానికి సాగర్ గతంలోనే  ప్రభాస్ హీరోగా నటించిన మిస్టర్ పర్ఫెక్ట్ సినిమాతో టాలీవుడ్ ఎంట్రీ ఇచ్చాడు. ఆ సినిమాలో ఆయనది పెద్ద పాత్ర కాదు. ఆ తర్వాత ఐదేళ్ల గ్యాప్ తీసుకుని సిద్ధార్థ అనే సినిమాతో ప్రేక్షకుల ముందుకు వచ్చినా అది పెద్దగా ఆకట్టుకోలేకపోయింది. ఆ తరువాత కూడా ఆయన మ్యాన్ ఆఫ్ ది మ్యాచ్ అనే సినిమా చేశాడు.. అది కూడా పెద్దగా ఆకట్టుకోలేకపోయింది. అయితే దిల్ రాజు సినిమాతో మాత్రం ఈయన ఖచ్చితంగా హిట్ కొట్టే లానే  కనపడుతున్నాడు.