అయితే ఎయిర్ పోర్టులో ఆమె పాస్ పోర్ట్ చెక్ చేసిన అక్కడి అధికారులు ఆమె పాస్ పోర్ట్ లో తప్పుడు వివరాలు నమోదు అయినట్లు గుర్తించారు.  ఆమె భారత్ కు జనవరి 14 వ తేదీన వచ్చినట్లు రికార్డుల్లో నమోదయింది. కానీ పాస్ పోర్ట్ లో మాత్రం ఆమె జనవరి 20 వ తేదీన వచ్చినట్టు స్టాంప్ ఉంది. దీంతో అప్రమత్తమైన అధికారులు దీని వెనుక ఏదో కుట్ర ఉందని భావించి సదరు యువతిని అదుపులోకి తీసుకుని ప్రశ్నించారు. ముందుగా పొంతనలేని సమాధానాలు చెప్పి ఎలా అయినా వారి నుంచి తప్పించుకోవాలని యువత ప్రయత్నం చేయడంతో అధికారులు పోలీసులను  పిలిపించారు. 

ఈ దెబ్బకు ఆమె నిజం చెప్పక తప్పలేదు. తన స్నేహితుడితో కలిసి తాను గోవా వెళ్లిన విషయాన్ని కుటుంబ సభ్యుల వద్ద దాచి పెట్టేందుకు ఒక నకిలీ రబ్బర్ స్టాంప్ తో పాస్ పోర్ట్ లో తప్పుగా వివరాలు నమోదు చేశానని ఒప్పుకుంది. ఇందులో ఇంకా ఎవరిని మోసం చేయాలనే ఉద్దేశం లేదని కేవలం కుటుంబ సభ్యుల వద్ద విషయం దాచడానికి మాత్రమే ఇలా చేశానని అని చెప్పుకొచ్చింది. అయితే ఇది నిబంధనలకు విరుద్ధమని పేర్కొన్న పోలీసులు యువతి మీద ఫోర్జరీ, చీటింగ్ కేసు నమోదు చేసి కోర్టులో ప్రవేశపెట్టారు. ఆమెకు  కోర్టు రిమాండ్ విధించింది.