ప్ర‌భాస్‌, అనుష్క కాంబినేష‌న్ క్రేజీ.  వీరిపై టాలీవుడ్‌లో మంచి బ‌జ్ కూడా క్రియేట్ అవుతుంది. ప్ర‌భాస్ వ‌రుస‌ గా సినిమాలు చేస్తుంటే అనుష్క మాత్రం విరామం తీసుకున్న‌ట్లు క‌నిపిస్తుంది. ఎక్క‌డా ఆమె గురించి వార్త‌లు, ఫొటోలు ఏవి కూడా బ‌య‌ట‌కు రావ‌డంలేదు. కానీ విశ్వ‌స‌ నీయ స‌మాచారం ప్ర‌కారం అనుష్క మ‌ర‌ల ‘భారీ బేన‌ర్‌’ లో న‌టించ‌నుంది.

ఇటీవలే ఫొటో - సెషన్ కూడా జ‌రిగిందని తెలుస్తోంది. ప్ర‌భాస్‌, అనుష్క సూప‌ర్ డూప‌ర్ హిట్‌ మిర్చి కాంబినేష‌న్ అంద‌రికీ తెలిసిందే. అంత‌టి హిట్ ఇచ్చిన ద‌ర్శ‌కుడు ‘కొర‌టాల శివ‌’ - ఈ ట్రియో కాంబినేషన్ యమాగా ఉంటుందని ఇప్పటికే రుజువైంది. నిర్మాణం మాతృ సంస్థ మైత్రీ మూవీ మేక‌ర్స్‌. ఇంకేం మరో నయన మనోహరమైన వినోద విందు మనం పొందొచ్చన్న మాట.  

ప్ర‌స్తుతం మైత్రీ మూవీ మేక‌ర్స్ వ‌రుస‌గా ఆరు సినిమాలు లైన్‌ లో వున్నాయి. అందులో ప్ర‌భాస్ సినిమా ఒక‌టి. దానికి ద‌ర్శ‌కుడు కొర‌టాల శివ‌నే. ఈసారి త‌ప్ప‌కుండా పాన్ ఇండియా మూవీ గా తీయాల‌ని స‌న్నాహాలు చేస్తున్నారు. ఈ క్రేజీ ప్రాజెక్ట్‌కు మ‌రింత క్రేజ్ రావాలంటే హీరోయిన్ ఎవ‌ర‌నేది చ‌ర్చ జ‌రిగింది.

గ‌త కొద్దిరోజులు ప‌లువురు హీరోయిన్ల‌ను ప‌రిశీలించినా ఫైన‌ల్‌ గా అనుష్క ద‌గ్గ‌ర‌కే చిత్ర యూనిట్ ఆగిపోతుంది. అందుకే మ‌రోసారి అనుష్క‌ తో ప్ర‌భాస్ జోడీ క‌నువిందుగా వుంటుంద‌ని స‌న్నిహితులు చెబుతున్నారు. ఇక వీరిద్ద‌రి బాహుబ‌లి గురించి చెప్పాల్సిన ప‌నే. లేదు. పైగా మ‌రోసారి వీరి కాంబినేష‌న్‌కు ఒక కార‌ణ‌ముంది.

అదే మంటే ప్ర‌భాస్‌కు 25 వ సినిమా మైత్రీ మూవీస్ బేన‌ర్‌ లో రావ‌డం - కొర‌టాల శివ ద‌ర్శ‌క‌త్వం వ‌హించ‌డం - అందుకే అనుష్క పేరు బ‌య‌ట‌కు వ‌చ్చింది. అయితే ఈ విష‌యం అధికారికంగా తెలియాల్సివుంది. ఇప్పటికే ప్ర‌భాస్ రాధేశ్యామ్ సినిమా పూర్తి కావొచ్చింది. దాంతో పాటు కెజిఎఫ్ దర్శకుడు ప్రశాంత్ నీల్‌ తో సలార్ కూడా ఒక షెడ్యూల్ పూర్తి చేసింది. అలాగే ‘ఆది పురుష్’ కూడా సెట్స్ పైనే ఉంది.