రాజన్న సంక్షేపాలనను తెలంగాణాలో కూడా తీసుకురావాలన్నది తన కలగా షర్మల చెప్పుకుంటున్న విషయం తెలిసిందే. అందరు తోడుగా నిలబడితే తన కలను సాకారం చేసుకోవటం సాధ్యమే అన్న తన నమ్మకాన్ని వ్యక్తంచేశారు. ప్రాంతాలకు, కులమతాలకు అతీతంగా వైఎస్ అమలు చేసిన సంక్షేమ పథకాలు, అభివృద్ధిని షర్మిల అందరికీ గుర్తుచేశారు. కాబట్టే వైఎస్ పై అందరిలోను ఇంకా అభిమానం ఉందని ఆమె నమ్మకంగా ఉన్నారు. పనిలో పనిగా కేసీయార్ పనితీరును కూడా షర్మిల ఆరా తీశారు. ప్రభుత్వం అమలు చేస్తున్న సంక్షేమ పథకాలు అందరికీ అందుతున్నాయా ? అభివృద్ధి నిజంగానే జరుగుతోందా ? అనే అంశాలపై డీటైల్డుగా మాట్లాడారు. కేసీయార్ పాలనలో జనాలు ఎంతమేర సంతోషంగా ఉన్నారు ? అనే అంశంపైనే ప్రధానంగా ఫీడ్ బ్యాక్ తీసుకున్నారు. ఈ సందర్భంగానే కేసీయార్ ను ధీటుగా ఎదుర్కొనేందుకు వీలుగా షర్మిల కూడా జై తెలంగాణ అంటు నినాదాలు చేయటంతో అందరు ఆశ్చర్యపోయారు.