ഭോപ്പാല്‍ : മധ്യപ്രദേശ് കോണ്‍ഗ്രസ് എംഎല്‍എ നിലയ് ദാഗയുടെ കുടുംബത്തിന്റെ ഉടമസ്ഥതയിലുള്ള ബിസിനസ് സ്ഥാപനങ്ങളില്‍ ആദായനികുതി വകുപ്പ് നടത്തിയ റെയ്ഡില്‍ കണക്കില്‍പ്പെടാത്ത 450 കോടി രൂപയുടെ വരുമാനം കണ്ടെടുത്തു.
ഫെബ്രുവരി 18 മുതല്‍ സംസ്ഥാനത്തെ ബെതൂല്‍, സത്‌ന ജില്ലകളിലെ 22 സ്ഥലങ്ങളിലും മുംബൈ, കൊല്‍ക്കത്ത എന്നിവിടങ്ങളിലുമാണ് റെയ്ഡ് നടന്നത്. റെയ്ഡില്‍ 8 കോടി രൂപയുടെ കണക്കില്‍പ്പെടാത്ത കാഷ് സ്റ്റോറുകളും 44 ലക്ഷം രൂപയുടെ വിദേശ കറന്‍സിയും 9 ബാങ്ക് ലോക്കറുകളെക്കുറിച്ചുള്ള വിവരങ്ങളും കണ്ടെത്തി.
Read Also : കോവിഡ് വ്യാപനം : കേരളത്തില്‍ നിന്നുള്ള വാഹനങ്ങൾ അതിർത്തിയിൽ തടഞ്ഞ് കര്‍ണാടക
സോയ ഉല്‍പ്പന്നങ്ങള്‍ നിര്‍മിക്കുന്ന ബിസിനസ് ഗ്രൂപ്പിലെ പ്രധാന അംഗങ്ങള്‍ തമ്മിലുള്ള സന്ദേശങ്ങളും റെയ്ഡുകളില്‍നിന്ന് കണ്ടെത്തിയിട്ടുണ്ട്. ഇത് വിശദീകരിക്കാനാവാത്ത പണമടയ്ക്കലും ഹവാല ഇടപാടുകളും അടക്കം 15 കോടിയിലധികം വരും.
ഷെല്‍ കമ്പനികളിൽ നിന്ന് കൊല്‍ക്കത്തയിലെ മറ്റൊരു കൂട്ടം ഷെല്‍ കമ്പനികളിലേക്ക് കടലാസ് നിക്ഷേപം വില്‍ക്കുന്നതുവഴിയുള്ള വെളിപ്പെടുത്താത്ത വരുമാനം 90 കോടി രൂപ വരുമെന്ന് സിബിഡിടി (സെന്‍ട്രല്‍ ബോര്‍ഡ് ഓഫ് ഡയറക്‌ട് ടാക്‌സ്) പ്രസ്താവനയില്‍ പറഞ്ഞു. ഈ കമ്പനികളൊന്നും നല്‍കിയ വിലാസത്തില്‍ പ്രവര്‍ത്തിക്കുന്നതായി കണ്ടെത്തിയിട്ടില്ല. അത്തരം കടലാസ് കമ്പനികളുടെയോ അതിന്റെ ഏതെങ്കിലും ഡയറക്ടര്‍മാരുടെയോ പേരുവിവരങ്ങള്‍ സ്ഥിരീകരിക്കാനും ഗ്രൂപ്പിന് കഴിഞ്ഞില്ല. ഈ കടലാസ് കമ്പനികളിൽ പലതും കോര്‍പറേറ്റ് കാര്യ മന്ത്രാലയം അടപ്പിച്ചതായി കണ്ടെത്തി.
Post Your Comments