గతంలో దృశ్యం సినిమా తెలుగులో రీమేక్ చేయడంతో దృశ్యం సినిమా రీమేక్ పనులు కూడా మొదలయ్యాయి అన్న హింట్ ఇచ్చారు సురేష్ ప్రొడక్షన్స్ వాళ్ళు. వెంకటేష్ తో ఈ సినిమా ఒరిజినల్ దర్శకుడు చర్చలు జరుపుతున్న ఫోటోలు మీడియాకు లీకులు ఇచ్చారు. సరే ఆ విషయం అలా ఉంచితే ఈ మొదటి రెండు భాగాలు సూపర్ హిట్ కావడంతో మూడో భాగం తెరకెక్కించాలని కూడా మోహన్లాల్ దర్శకుడిని కోరుతున్నట్లు తెలుస్తోంది. ఇక ఈ ప్రచారానికి ఊతం  ఇచ్చే లాగా సినిమా దర్శకుడు కూడా ఒక స్టేట్మెంట్ ఇచ్చాడు. 

దాని ప్రకారం 'దృశ్యం 3 కూడా జీతు జోసెఫ్ మైండ్ లో ఉండి ఉండవచ్చు ఆయనతో మాట్లాడుతున్నప్పుడు నాకు ఈ విషయం అర్థమైంది.. కచ్చితంగా ఇది జరిగి తీరుతుంది అని నేను అనుకుంటున్నాను' అని ఆయన చెప్పుకొచ్చాడు. ఇక ఇదే విషయం మోహన్ లాల్ జీతు జోసెఫ్ మధ్య కూడా చర్చకు వచ్చిందని ఈ సినిమా సీక్వెల్ రావాలని అందరం కోరుకుంటున్నామని ఆయన చెప్పుకొచ్చాడు. ఒకప్పుటి హీరోయిన్ మీనా ఈ సినిమాలో మోహన్లాల్ సరసన హీరోయిన్ గా నటించింది. అలాగే ఇటీవల జోహార్ అనే సినిమాతో టాలీవుడ్ లో హీరోయిన్ గా ఎంట్రీ ఇచ్చిన ఎస్తేర్ అనిల్ ఈ సినిమాలో మోహన్ లాల్ చిన్న కూతురిగా నటించి మెప్పించింది.