గాలి సంపత్ అంటే గాలికి తిరిగే వాడు అని చాలామంది అనుకుంటున్నారని కానీ ఈ సినిమాలో గాలి సంపత్ అంటే అది కాదని చెప్పుకొచ్చాడు. గాలి సంపత్ గా టైటిల్ రోల్ లో నట కిరీటి రాజేంద్రప్రసాద్ నటించగా ఆయన కొడుకుగా హీరో శ్రీ విష్ణు నటించారు. అనీష్ అనే కొత్త కుర్రాడు దర్శకత్వం వహించిన ఈ సినిమాని సైన్స్ స్క్రీన్ సంస్థతో కలిసి ఇమేజెస్ పార్క్ ఎంటర్టైన్మెంట్ బ్యానర్ పై అనిల్ రావిపూడి స్నేహితుడు రైటర్ కృష్ణ నిర్మాత నిర్మిస్తున్నారు. ఈ సినిమాకి అనిల్ రావిపూడి స్క్రీన్ ప్లే అందించడం గమనార్హం.. 

నిన్న హైదరాబాద్ లోని ప్రసాద్ లాబ్స్ లో ఈ యూనిట్ ప్రెస్ మీట్ నిర్వహించగా అందులోనే అనిల్ రావిపూడి ఈ సినిమా కథ చెప్పుకొచ్చాడు. గాలి సంపత్ అంటే అందరూ గాలికి తిరిగే వాడు అనుకుంటారని కానీ ఈ సినిమాలో కథ అది కాదని చెప్పుకొచ్చారు..పోస్టర్ ను సరిగ్గా గమనిస్తే రాజేంద్ర ప్రసాద్ గారి గొంతు కింద ఒక చిన్న కట్ లాగా ఉంటుందని అంటే ఆయన గొంతుకు ప్రమాదం కావడంతో ఆయన నోటినుంచి మాట రాదు అని ఆయన చెప్పుకొచ్చారు.. మాట రాకుండా గాలి వస్తుందని అందుకే ఆయనను గాలి సంపత్ అని పిలుస్తారు అని చెప్పుకొచ్చాడు. బాహుబలిలో కిలికిలి భాష లాగ ఇందులో ఫిఫిఫి లాంగ్వేజ్ ఉంటుందని ఆ ఫిఫిఫి లాంగ్వేజ్ ను అందంగా ట్రాన్ స్లేట్ చేస్తూ బోలెడన్ని కామెడీ సీన్స్ ఉంటాయని చెప్పుకొచ్చాడు.