చాలా గ్యాప్ తర్వాత సూపర్ స్టార్ సినిమాకి యువ సంగీత సంచలనం తమన్ మ్యూజిక్ అందిస్తుండగా మది ఫోటోగ్రఫీ అందిస్తున్నారు. ప్రఖ్యాత ఫైట్ మాస్టర్స్ రామ్-లక్ష్మణ్ మాస్టర్లు ఫైట్స్, యాక్షన్ సన్నివేశాలు కంపోజ్ చేస్తున్న ఈ సినిమాలో ఒక ప్రముఖ బాలీవుడ్ నటుడు విలన్ పాత్ర పోషిస్తున్నాడని టాక్. బ్యాంకుల్లోని కుంభకోణాలు మోసాల నేపథ్యంలో మంచి మెసేజ్ తో పాటు పలు కమర్షియల్ హంగులు కలబోతగా దర్శకుడు పరశురాం ఈ మూవీని ఎంతో ప్రతిష్టాత్మకంగా అన్ని వర్గాల ప్రేక్షకులను ఆకట్టుకునే విధంగా తెరకెక్కిస్తున్నట్లు తెలుస్తోంది. తనకు ఎంతో ఇష్టమైన సూపర్ స్టార్ తో చేస్తున్న సినిమా కావడంతో ఈ సినిమా యొక్క కథా కథనాల విషయమై దర్శకుడు పరశురామ్ మరింత జాగ్రత్త తీసుకున్నారు అంటున్నారు. 

ఇక ఈ సినిమా యొక్క రెండవ షెడ్యూల్ అతి త్వరలో గోవాలో ప్రారంభం కాబోతున్న ట్లు తెలుస్తోంది. అసలు మ్యాటర్ ఏంటంటే ఈ సినిమా యొక్క ఫస్ట్ షెడ్యూల్ తాలూకు మేకింగ్ వీడియోని నిన్న రిలీజ్ చేస్తారు అంటూ ఒక వార్త సోషల్ మీడియా మాధ్యమాల్లో ఏంతో వైరల్ అయింది. దానితో మహేష్ బాబు అభిమానులు అందరూ ఎప్పుడెప్పుడు ఆ వీడియో చూద్దామా అని ఎంతో ఉత్సాహంగా ఎదురు చూడసాగారు. అయితే అది రిలీజ్ కాకపోవటం అలానే ఇప్పటివరకు దానికి సంబంధించి నిర్మాతలు వైపు నుండి ఎటువంటి అప్ డేట్ కూడా రాకపోవడంతో కనీసం ఈ రోజైనా మాకు మోక్షం లభిస్తుందా మేకింగ్ వీడియో రిలీజ్ చేస్తారా అంటూ సర్కారు వారి పాట నిర్మాతలని ఉద్దేశించి పలువురు మహేష్ ఫ్యాన్స్ సోషల్ మీడియా అకౌంట్స్ ద్వారా కామెంట్స్ చేస్తున్నారు....!!