ఇక మెగాస్టార్ కు జోడీగా కాజల్ అగర్వాల్ నటిస్తున్న ఈ మూవీలో చరణ్ కి జోడీగా పూజాహెగ్డే నటిస్తున్నట్లు తెలుస్తోంది. ఇటీవల రిలీజ్ అయిన ఈ మూవీ యొక్క ఫస్ట్ లుక్ టీజర్ కి మెగా ఫ్యాన్స్ తో పాటు నార్మల్ ఆడియన్స్ నుంచి కూడా సూపర్ రెస్పాన్స్ లభించింది. అయితే ఈ సినిమాకు సంబంధించి ప్రస్తుతం ఒక వార్త పలు టాలీవుడ్ వర్గాలలో విస్తృతంగా చక్కర్లు కొడుతోంది. దాని ప్రకారం ఈ మూవీ యొక్క సాంగ్స్ విషయమై మెగాస్టార్ చిరంజీవి కొంత అసంతృప్తి వ్యక్తం చేస్తున్నారని, మణిశర్మ ఇచ్చిన సాంగ్స్ ఆయనకు అంతగా నచ్చకపోవడంతో తదుపరి బాబి దర్శకత్వంలో చేయబోయే సినిమాకి దేవిశ్రీప్రసాద్ ని మెగాస్టార్ మ్యూజిక్ డైరెక్టర్ గా తీసుకున్నట్లు చెప్తున్నారు. 

కాగా బాబీ మూవీ విషయం అటుంచితే, ఆచార్య సాంగ్స్ విషయమై ప్రచారం అవుతున్న దానిలో ఏమాత్రం వాస్తవం లేదని ఇది కేవలం కల్పితం మాత్రమే అని, నిజానికి గతంలో మణిశర్మ సంగీత సారథ్యంలో మెగాస్టార్ చిరంజీవి ఎన్నో బ్లాక్ బస్టర్ విజయాలని అందుకున్నారని, అలానే మొదటి నుంచి వారిద్దరి మధ్య మంచి అనుబంధం కొనసాగుతుందని మరీ ముఖ్యంగా ఆచార్య సాంగ్స్ విషయమై చిరంజీవి ఎంతో సంతృప్తిగా ఉన్నారని చిరంజీవి సన్నిహితులు చెబుతున్నట్లు తెలుస్తోంది. దీనితో ఆచార్య సాంగ్స్ విషయమై ప్రస్తుతం ప్రచారం అవుతున్న పుకార్లకు ఒక్కసారిగా అడ్డుకట్ట పడ్డట్లైందని అంటున్నారు విశ్లేషకులు.....!!