దాని ప్రకారం బలవంతపు ఉపసంహరణ చేయిస్తే రిటర్నింగ్ అధికారులకు ఫిర్యాదు చేసుకునే అవకాశం ఎన్నికల సంఘం కల్పించింది. ఒక పక్క మునిసిపల్ ఎన్నికల ప్రక్రియ ప్రారంభించి ఇప్పటికి ఏడాది గడుస్తోంది. మరో సారి ఎన్నికల ప్రక్రియ కొనసాగిస్తూ ఎన్నికల నోటిఫికేషన్ విడుదలైంది. అయితే కొన్ని సందేహాలు చాలా డివిజన్లలో, వార్డుల విషయంలో నెలకొన్నాయి. ఇప్పటికీ ఏ పార్టీ తరపున ఏ అభ్యర్థి బరిలో నిలుస్తారు అనే అంశం మీద స్పష్టత లేదు. 

గత ఏడాది మార్చితో రద్దయిన ఎన్నికలకు ఎట్టకేలకు మళ్లీ నోటిఫికేషన్ విడుదల చేయడంతో కదలిక వచ్చినట్లయింది. మునిసిపల్ ఎన్నికలలో నామినేషన్ల పరిశీలన పూర్తయిన అభ్యర్థులు బలవంతంగా విత్ డ్రా అయితే వాటిపై దృష్టి ప్రత్యేక దృష్టి సారించాలని నిన్న నిమ్మగడ్డ రమేష్ కుమార్ రిటర్నింగ్ అధికారులకు ఆదేశాలు జారీ చేశారు..ఎవరైనా అభ్యర్థులు బలవంతంగా తమతో నామినేషన్ విత్డ్రా చేయించాలని ఫిర్యాదు చేస్తే వారి అభ్యర్థన పరిగణలోకి తీసుకోవాలని ఆదేశాలు ఇచ్చింది. ఒకరకంగా ఇది అధికార పార్టీకి కోలుకోలేని దెబ్బ అని విశ్లేషకులు చెబుతున్నారు. 

ఇప్పటి వరకు నయానో భయానో నామినేషన్లు వేయకుండా వేసినవాళ్ళు నామినేషన్ వెనక్కి తీసుకునేలా చూస్తూ వచ్చిన వారికి ఇది మాత్రం చెంపపెట్టులా గానే ఉందని అంటున్నారు. మరీ ముఖ్యంగా అనంతపురం జిల్లా విషయానికి వస్తే ఒక కార్పొరేషన్ ఎనిమిది మున్సిపాలిటీలు రెండు నగర పంచాయతీలో 333 డివిజన్లు వార్డులలో ఎంత మంది బరిలో నిలుస్తారు అనేది ఆసక్తికరంగా మారింది. ముందుగా 2535 నామినేషన్లు దాఖలు కాగా పరిశీలన తర్వాత 2280 మంది బరిలో ఉన్నట్లు తేలింది. అయితే నామినేషన్ల ఉపసంహరణ తరువాత ఎంత మంది బరిలో ఉంటారు అనేది క్లారిటీ రానుంది.