అందుకే చిరంజీవి హీరోగా బాబీ దర్శకత్వంలో తెరకెక్కబోతున్న సినిమాకు బాబి ముందుగా మణిశర్మను తీసుకోవాలని భావించినా సరే చిరంజీవి మణిశర్మ వద్దని చెప్పేశాడట.మణి శర్మ స్థానంలో దేవి శ్రీ ప్రసాద్ ను తీసుకోవాల్సిందిగా మెగాస్టార్ చిరంజీవి సూచనలు చేసినట్లు తెలుస్తోంది. గతంలో దేవి శ్రీ ప్రసాద్ చిరంజీవి సినిమాలకి కొన్ని సార్లు మ్యూజిక్ అందించాడు. అలా అందించిన అన్ని సినిమాలు దాదాపు సూపర్ హిట్ అయ్యాయి. 

శంకర్ దాదా ఎం.బి.బి.ఎస్, శంకర్ దాదా జిందాబాద్ అలాగే ఖైదీ నెంబర్150 సినిమాలకు దేవి శ్రీ ప్రసాద్ పనిచేశాడు. అదీగాక తాజాగా విడుదలైన ఉప్పెన సినిమా మ్యూజిక్ కూడా చిరంజీవికి బాగా నచ్చిందని అందుకే దేవిశ్రీప్రసాద్ చేత బాబీ సినిమా చేయించాలని భావిస్తున్నాడని చెబుతున్నారు. ఇక మెగాస్టార్ చిరంజీవి కొరటాల శివ దర్శకత్వంలో తెరకెక్కుతున్న ఆచార్య సినిమా పూర్తి కాగానే లూసిఫర్ సినిమా రీమేక్ షూటింగ్ మొదలు పెట్టనున్నారు. ఆ తరువాత ఆయన వేదాళం సినిమా రీమేక్ షూటింగ్ కూడా మొదలు పెట్టనున్నారు. ఆ తరువాత బాబి దర్శకత్వంలో తెరకెక్కే ఈ సినిమా పట్టాలెక్కి అవకాశం కనిపిస్తోంది.