అదీగాక హిందూపురం అంటే తెలుగు దేశానికి అటు నందమూరి కుటుంబానికి పెట్టని కోట అని చెబుతూ ఉంటారు విశ్లేషకులు. దీంతో ఈ సారి మున్సిపల్ ఎన్నికల్లో ఎలా అయినా హిందూపురంలో పాగా వేయాలని వైసీపీ శ్రేణులు భావిస్తున్నాయి. కానీ ముఖ్యంగా వైసీపీ ముఖ్య నేతల మధ్య సఖ్యత లేకపోవడంతో ఇప్పుడు అది తెలుగు దేశానికి కలిసి వచ్చే అవకాశాలు ఎక్కువగా కనిపిస్తున్నాయి. అక్కడి వైసీపీ నేతలు అయిన ఇక్బాల్ అలాగే నవీన్ నిశ్చల్ మధ్య పచ్చగడ్డి వేస్తే భగ్గుమనే పరిస్థితులు నెలకొన్నాయి. 

వారు ఎంత సేపు వారిలో వారు నిందించుకోవడంతోనే సరిపోతుంది. బాలకృష్ణ ఎప్పుడో అమావాస్య పౌర్ణమికి హిందూపురం నియోజకవర్గానికి వస్తాడు అయినా సరే అక్కడి ప్రజలు బాలయ్యను ఇంకా గుండెల్లో పెట్టుకొని చూసుకుంటా ఉంటున్నారు. దీంతో ఆ సాకుతో అయినా ఈ సారి ఎలా అయినా అక్కడ పాగా వేయాలని వైసీపీ నేతలు టార్గెట్ పెట్టుకున్నట్టుగా చెబుతున్నారు.

అందుకే బాలయ్య కూడా వెనక్కు తగ్గకుండా ఒక పక్క సినిమా షూటింగ్ లో బిజీలో ఉన్నా సరే మొన్న పంచాయతీ ఎన్నికల నేపథ్యంలో అక్కడికి రెండు రోజుల పర్యటనకు వెళ్లారు. మున్సిపల్ ఎన్నికలు కూడా ముందున్న క్రమంలో ఆయన మళ్లీ పర్యటనకు వస్తారని టీడీపీ శ్రేణులు చెబుతున్నాయి. ఇక ఈ ఎన్నికలను బాలయ్య సీరియస్ గా తీసుకోవడంతో కచ్చితంగా ఇక్కడ బాలయ్య పరువు నిలబెట్టుకునే ఫలితాలు వస్తాయని టిడిపి భావిస్తున్నాయి.