కానీ ఈ సారి కొత్తగా ఎన్నికలలో పోటీ చేస్తున్న తమ బంధు వర్గాల వారికి అలాగే తమ సామాజిక వర్గం వారికి కూడా ఉద్యోగులు సహకరిస్తున్నారని ఆరోపణలు వినిపిస్తున్నాయి. ఇలాంటి ఆరోపణలు అలాగే తమకు అందిన కొన్ని ఫిర్యాదులు ఆధారంగా రాష్ట్ర ఎన్నికల సంఘం వారి మీద ఎన్నికలు పూర్తయ్యాక విచారణ జరిపి చర్యలు తీసుకునే అవకాశం ఉందని అంటున్నారు. ఎన్నికల నిర్వహించాల్సిన చోట తమ బంధువులు ఉన్నట్లయితే వారికి అనుకూలంగా వ్యవహరిస్తున్నారు. చాలా చోట్ల ఎన్నికల సంఘానికి ఫిర్యాదులు అందినట్లు చెబుతున్నారు. తమ వారిని గెలిపించుకోవాలని దుగ్ధతో అధికార దుర్వినియోగానికి కూడా కొందరు అధికారుల పాల్పడుతున్నారనే ఆరోపణలు వినిపిస్తున్నాయి. 

మరీ ముఖ్యంగా రాయల సీమ, నెల్లూరు, ప్రకాశం జిల్లాల్లో ఇలాంటి ఫిర్యాదులు ఎక్కువగా వచ్చాయి అని అంటున్నారు. నెల్లూరు జిల్లాకు సంబంధించిన ఒక జిల్లా స్థాయి అధికారి మీద ఇలాంటి ఫిర్యాదు రావడంతో ఎన్నికల సంఘం సీరియస్ అయినట్లు తెలుస్తోంది. ప్రకాశం జిల్లాలో ఒక అధికారి తమ్ముడి భార్య సర్పంచ్ ఎన్నికల్లో అభ్యర్థిగా నిలబడితే సదరు అధికారి తన అధికార దర్పం ఉపయోగించి ఆమె గెలుపు పాల్పడ్డాడనేది ఆరోపణ. ఇలాగే చాలా మంది మీద ఆరోపణలు వస్తూ ఉండటంతో ఈ విషయాన్ని ఎన్నికల సంఘం కూడా సీరియస్ గా తీసుకుంది అని చెబుతున్నారు.