ఎలా అయినా తన భర్తకు దగ్గర కావాలని దీప చేసే ప్రయత్నాలు ఒక పక్క అయితే డాక్టర్ బాబు రెండో భార్య దీపను దగ్గరకు రాకుండా చేయడానికి చేసే ప్రయత్నాలు మరో పక్క, ఇలా ఆసక్తికరంగా ఈ సీరియల్ సాగి పోతూ ఉంటుంది. ఇప్పుడు ఇలాంటి కాన్సెప్ట్ తోనే రాఘవేంద్ర రావు సమర్పణలో ఒక సీరియల్ టెలికాస్ట్ కి సిద్ధమైంది. దర్శకేంద్రుడు రాఘవేంద్రరావు దర్శకత్వం పర్యవేక్షణ, సమర్పణలో కృష్ణ తులసి అనే సీరియల్ ఈ నెల 22వ తారీకు నుంచి టెలికాస్ట్ అవుతోంది. ఈ సీరియల్ కథ ప్రకారం శ్యామ అనే ఒక గాయని చుట్టూ కథ నడుస్తూ ఉంటుంది. 

మంచి పాపులర్ సింగర్ అయిన శ్యామా తన కుటుంబం కోసం తన గొంతును ఎందుకు తాకట్టు పెట్టాల్సి వచ్చింది అనే కథాంశంతో ఈ సీరియల్ నడుస్తుందని అంటున్నారు. అయితే ఇందులో హీరోయిన్ ని చూసినా సరే అందరికీ వంటలక్క ఎపిసోడ్ గుర్తు రావడం ఖాయం. ఎందుకంటే ఇందులో హీరోయిన్ ని కూడా నల్లగా మార్చేశారు మరి. ఈ సీరియల్ కథ ప్రకారం తన సవతి తల్లి కోరిక మేరకు తన గొంతును తన చెల్లెలు(సవతి తల్లి కూతురు) గొంతుగా చెబుతూ ఎప్పుడూ తెర వెనుక ఉండే పాత్రలో ఆమె నటిస్తుందని అంటున్నారు. మరి ఈ సీరియల్ ఎంత మేరకు హిట్టవుతుందనే ది చూడాల్సిందే.