ఇప్పుడు ఏం చేయొచ్చు అనే దానిమీద ఎన్నికల సంఘం తీవ్ర కసరత్తులు చేస్తుందట. అయితే మొత్తంగా ఎన్నికల కమిషన్ ముందు మూడు ఆప్షన్స్ ఉన్నాయి, ఒకటి ఆగిన చోట నుంచి ఎంపీటీసీ జడ్పిటిసి ఎన్నికల ప్రక్రియ మొదలు పెట్టడం, రెండు కొత్త నోటిఫికేషన్ జారీ చేయడం, మూడు ఈ ఎన్నికల నిర్వహణ ఇక్కడితో వదిలేసి కొత్త ఎస్ఈసీకి ఈ బాధ్యతలను అప్పగించడం. అయితే ఈ మూడు ఆప్షన్స్ లో మూడో ఆప్షన్ బెటర్ అని నిమ్మగడ్డ భావిస్తున్నారట. 

ఎందుకంటే ఆగిన చోటనే ఎన్నికల ప్రక్రియ ప్రారంభిస్తే ప్రతిపక్షాల నుంచి పెద్దఎత్తున అభ్యంతరాలు వస్తాయి, ఆయన ప్రభుత్వానికి అనుకూలంగా పని చేస్తున్నారని ప్రచారం మొదలయ్యే అవకాశం కనిపిస్తోంది. లేదు కొత్త నోటిఫికేషన్ ఇద్దామని ప్రయత్నం చేస్తే న్యాయపరమైన ఇబ్బందులు వచ్చే అవకాశం కనిపిస్తోంది. ఎందుకంటే గతంలో ఎన్నికల ప్రక్రియ ఆపేస్తున్నప్పుడే ఆగిన చోట నుంచి ఎన్నికల ప్రక్రియ ప్రారంభిస్తామని గతంలో ప్రకటించారు. ఈ ప్రకటనను బేస్ చేసుకుని ప్రభుత్వం కోర్టుకు వెళ్లే అవకాశం ఉంటుంది. సో ఈ రెండు ఆప్షన్స్ కంటే ఈ ఎన్నికల నిర్వహణను కొత్త ఎస్ఈసీకి వదిలివేయటం బెటర్ అని భావిస్తున్నారట. మరి చూడాలి ఏమవుతుంది అనేది..