ఇక ఇప్పుడు కొన్ని వార్తలు రాజకీయవర్గాలలో ఎక్కువగా వినపడుతున్నాయి. విశాఖ ఉక్కు పరిశ్రమ విషయంలో కేంద్ర ప్రభుత్వం నిర్ణయం తీసుకోవడం వెనక ప్రధాన కారణం మరొకటి ఉంది అనేది కొంతమంది చెప్తున్న మాట. అసలు అది ఏంటి అని చూస్తే రాష్ట్రంలో భారతీయ జనతా పార్టీకి ఎలాంటి అవకాశాలు లేవని అందుకే రాష్ట్ర ప్రభుత్వాన్ని తన గుప్పిట్లో పెట్టుకుని కొన్ని డ్రామాలాడుతున్నారని వ్యాఖ్యలు చేస్తున్నారు. ప్రస్తుతం రాష్ట్రానికి కేంద్ర ప్రభుత్వం తీవ్రంగా అన్యాయం చేస్తుందనే విషయం మొన్న ప్రవేశపెట్టిన బడ్జెట్ తో కూడా స్పష్టంగా అర్థమైంది.

రాష్ట్రంలో చాలా వరకు సమస్యలు ఉన్నా సరే కేంద్ర ప్రభుత్వం వాటిని పట్టించుకునే ప్రయత్నం కనీసం కూడా చేయలేదు. ఇక రాష్ట్ర ప్రభుత్వం ఆర్థికంగా ఇబ్బందులు పడుతున్నా కేంద్ర ప్రభుత్వం నిధులు విడుదల విషయంలో కూడా ఎటువంటి ముందడుగు వేయలేక పోయింది. ఇప్పుడు రాష్ట్రానికి విశాఖ ఉక్కు పరిశ్రమ విషయంలో తీవ్ర అన్యాయం చేస్తున్నారని ఆవేదన వ్యక్తం అవుతోంది. ఇదేవిధంగా భవిష్యత్తులో కూడా భారతీయ జనతా పార్టీ వైఖరి ఉంటే మాత్రం ఖచ్చితంగా ప్రజల్లో ఆ పార్టీకి కొన్ని ఇబ్బందులు వస్తాయి. తమకు ఎలాంటి అవకాశాలు రాష్ట్రంలో లేవు కాబట్టి ఇప్పుడు రాష్ట్రాన్ని టార్గెట్ చేసిందని అంటున్నారు.