విషయం ఏమిటంటే కరోనా కొంచెం తగ్గగానే క్రిష్ వైష్ణవ తేజ్ హీరోగా కొండ పొలం అనే సినిమా తెరకెక్కించాడు. కొండ పొలం అనే ఒక నవలను ఆధారంగా చేసుకుని ఈ సినిమాని తెరకెక్కించాడు క్రిష్. రకుల్ ప్రీత్ సింగ్ హీరోయిన్ గా నటించిన ఈ సినిమా చాలా తక్కువ వ్యవధితో చాలా తక్కువ బడ్జెట్ తో తెరకెక్కించారు. అయితే హీరో మొదటి సినిమా రిలీజ్ కాకుండా రెండో సినిమా రిలీజ్ చేస్తే బాగోదు అనే కారణం గా ఈ సినిమాని హోల్డ్ లో ఉంచారు క్రిష్. 

మొదటి సినిమా సూపర్ హిట్ అయితే అప్పుడు థియేటర్లలో రిలీజ్ చేయాలని సోసోగా ఆడితే దానిని డిజిటల్ రిలీజ్ చేయాలని అప్పుడే భావించాడు. అయితే ఈ ఉప్పెన సినిమా బాగా ఆడుతున్న నేపథ్యంలో రెండో సినిమాని తమకు అమ్మాలని కొందరు డిస్ట్రిబ్యూటర్లు క్రిష్ కి ఫోన్ చేసి కోరుతున్నట్లు తెలుస్తోంది. అంటే ఒక రకంగా క్రిష్ పంట కూడా పండినట్లే. రెండో సినిమా ఎలా ఉంటుందనే విషయం కూడా అడగకుండానే మొదటి సినిమా రిజల్ట్ తో ఈ సినిమాని తమకు అమ్మమని కోరుతున్నారని చెబుతున్నారు. ఇక ప్రస్తుతానికి క్రిష్ పవన్ కళ్యాణ్ తో ఒక పీరియాడిక్ మూవీ తెరకెక్కిస్తున్నాడు. హరిహర వీరమల్లు అనే టైటిల్ తో తెరకెక్కుతున్న ఈ సినిమాలో నిధి అగర్వాల్ హీరోయిన్ గా నటిస్తోంది. ఈ సినిమా మీద కూడా మంచి అంచనాలు నెలకొని ఉన్నాయి.