ദുബായ് ഡ്യൂട്ടി ഫ്രീയുടെ മില്ലേനിയം മില്യണയര്‍ നറുക്കെടുപ്പില്‍ ഒന്നാം സമ്മാനമായ 10 ലക്ഷം ഡോളര്‍ (ഏഴ് കോടിയിലധികം രൂപ) മലയാളിക്ക്. ശരത് കുന്നുമ്മല്‍ ആണ് എംഎം351 സീരീസ് ടിക്കറ്റിന്‍റെ നറുക്കെടുപ്പില്‍ വിജയിയായത്. ഈ മാസം രണ്ടിന് വാങ്ങിയ 4275ാം നമ്പര്‍ ടിക്കറ്റിനാണ് ഒന്നാം സമ്മാനം ലഭിച്ചത്.
മറ്റു നറുക്കെടുപ്പുകളില്‍ വിദ്യാര്‍ത്ഥിനിയായ റിയ രൂപേഷിന് ബിഎംഡബ്ല്യു എക്സ് 6 എം50ഐ കാറും സാനിയ തോമസിന് ഏപ്രില ട്യൂണോ ഫാക്ടറി ബൈക്കും ലഭിച്ചു.
Read Also: കരിപ്പൂർ വിമാനത്താവളത്തിൽ വീണ്ടും സ്വർണവേട്ട; 1.18 കോടിയുടെ സ്വർണം പിടികൂടി
ഈ വര്‍ഷം ഇതുവരെ നടന്ന അഞ്ച് നറുക്കെടുപ്പിലും തുടര്‍ച്ചയായി ഇന്ത്യക്കാരാണ് മില്ലേനിയം മില്യണയര്‍ സമ്മാനം നേടുന്നത്. ഈ മാസം മൂന്നിന് നടന്ന നറുക്കെടുപ്പില്‍ സൂരജ് അനീദ്, ജനുവരിയില്‍ നടന്ന നറുക്കെടുപ്പുകളില്‍ വരുണ്‍ ഭൂന്‍സുര്‍, അമിത് എസ്, കാണിക്കറാം രാജശേഖര്‍ എന്നിവരാണ് വിജയികളായത്.
കഴിഞ്ഞ ഡിസംബര്‍ 20ന് നടന്ന നറുക്കെടുപ്പില്‍ കാസര്‍ഗോഡ് സ്വദേശിയായ നവീനീത് സജീവന്‍ വിജയിച്ചിരുന്നു.
Post Your Comments