ప్రతి అంశాన్ని కూడా చాలా సీరియస్గా తీసుకున్న సీఎం కేసీఆర్ ఇప్పుడు ఎమ్మెల్సీ ఎన్నికల నేపథ్యంలో నిరుద్యోగ భృతి అంశానికి సంబంధించి త్వరలోనే కీలక నిర్ణయాన్ని ప్రకటించే అవకాశాలు ఉండవచ్చు అని అంటున్నారు. అయితే ఎమ్మెల్సీ ఎన్నికలకు సంబంధించి సీఎం కేసీఆర్ త్వరలోనే కీలక సమావేశం నిర్వహించి... ఎన్నికల నేపథ్యంలో డిగ్రీ చదివిన యువకులకు మాత్రమే నిరుద్యోగ భృతి ఇచ్చే ఆలోచన సీఎం కేసీఆర్ చేస్తున్నారని అంటున్నారు. ఇంజనీరింగ్ చదివిన విద్యార్థులకు నిరుద్యోగ భృతి లేదు అని సమాచారం.

మరి దీనికి సంబంధించి త్వరలోనే ఒక క్లారిటీ ఇవ్వడానికి ఆ పార్టీ అధిష్టానం రెడీ అయిందని సమాచారం. డిగ్రీ చదివిన విద్యార్థులకు నిరుద్యోగ భృతి ఇవ్వటానికి రెడీ అయ్యారని... దాదాపు 1800 వరకు ఇచ్చే అవకాశం ఉండవచ్చని అంటున్నారు. అయితే దీనికి సంబంధించి ఎలాంటి పేరు పెట్టకపోయినా దీనిపై ఉగాది రోజున నిర్ణయం తీసుకోవచ్చు అని భావిస్తున్నారు. మరి ఇది ఎంతవరకు నిజం అవుతుందో చూడాలి. అయితే ఇప్పటివరకు సీఎం కేసీఆర్ ఇచ్చిన చాలా హామీలు ప్రజల్లో అమలు కాలేదు అనే విషయం అందరికి తెలిసిందే. మరి ఈ హామీ అయినా సరే అమలవుతుందా లేకపోతే సీఎం కేసీఆర్ ఇచ్చిన హామీల మాదిరిగా గాలిలో కలిసిపోతున్నదా అనేది చూడాలి. 2018 ఎన్నికల్లో దీనికి సంబంధించి సీఎం కేసీఆర్ హామీ ఇచ్చారు.