దాంతో చేసేది లేక ప్ర‌భుత్వం కోర్టుకెళ్ళి త‌న వాద‌న‌ను వినిపించింది, నిజానికి మొబైల్ వాహ‌నాల‌ను ప్ర‌భుత్వం ఎప్పుడో రెడీ చేసింది. కార్య‌క్ర‌మం అమ‌లుకు ఫిబ్ర‌వ‌రి 1వ తేదీని ముహూర్తంగా ఫిక్స్ చేసుకుంది.  అయితే నిమ్మ‌గ‌డ్డ హ‌ఠాత్తుగా పంచాయితి ఎన్నిక‌ల నోటిఫికేష‌న్ విడుద‌ల చేశారు. చివ‌ర‌కు ప్ర‌భుత్వం-ఎల‌క్ష‌న్ క‌మీష‌న్ వాద‌న‌లు విన్న కోర్టు ప్ర‌భుత్వ వాద‌న‌కే మొగ్గుచూపింది. వాహ‌నాల‌ను ఎప్పుడో రెడీ చేయ‌టం, కార్య‌క్ర‌మం ప్రారంభ తేదీల‌ను కూడా ప్ర‌క‌టించేయ‌టం లాంటి వాటిని కోర్టు ప‌రిగ‌ణ‌లోకి తీసుకుంది. అలాగే ఇప్ప‌టికిప్పుడు వాహ‌నాల రంగుల‌ను మార్చాలంటే కోట్ల రూపాయ‌లు ఖ‌ర్చ‌వుతుంద‌న్న వాద‌న‌ను కోర్టు ప‌రిగ‌ణ‌లోకి తీసుకుంది.

 ఇదే స‌మ‌యంలో ఎన్నిక‌ల క‌మీష‌న్ చేసిన వాద‌న‌ను కోర్టు ప‌ట్టించుకోలేదు. అందుక‌నే గ్రామీణ ప్రాంతాల్లో కూడా మొబైల్ వాహ‌నాలు తిర‌గ‌చ్చ‌ని కోర్టు క్లియ‌రెన్స్ ఇచ్చేసింది. దాంతో వాహ‌నాల‌ను తిప్ప‌టానికి ప్ర‌భుత్వం వెంట‌నే రంగం సిద్ధం చేసేసింది. ఎన్నిక‌ల క‌మీష‌న‌ర్ నిమ్మ‌గ‌డ్డ ర‌మేష్ కుమార్ ఇచ్చిన వాహ‌నాల తిరగ‌టంపై మార్చి 15వ తేదీ వ‌ర‌కు స్టే ఇచ్చింది. అప్ప‌టికి ఎలాగూ పంచాయితి ఎన్నిక‌లు అయిపోతాయి.