కాబట్టి విశాఖ జిల్లాలో సంక్షేమ కార్యక్రమాలు అందితే నిజంగా ప్రజలకు మూడు రాజధానులు అనేది ప్రజలకు నచ్చితే కచ్చితంగా స్థానిక సంస్థల ఎన్నికల్లో అధికార వైసీపీ క్లీన్ స్వీప్ చేసే అవకాశాలు ఉంటాయి. కానీ ఇప్పుడు అలాంటి పరిస్థితి విశాఖ జిల్లాలో ఎక్కడా కనపడలేదు. త్వరలో జరగబోయే మున్సిపల్ ఎన్నికల్లో కూడా పార్టీ ఏమాత్రం ప్రభావం చూపించ లేక పోవచ్చు అనేది స్పష్టంగా అర్థం అవుతుంది. అంతేకాకుండా పంచాయతీ ఎన్నికల్లో మూడు నాలుగు దశల్లో కూడా పార్టీ ప్రభావం చూపించ లేక పోవచ్చు అని టాక్. 

తెలుగుదేశం పార్టీ నేతలను ఇబ్బంది పెట్టి వైసీపీ లోకి తీసుకోవాలని భావించిన సరే ఆ విధంగా పరిస్థితులు కనపడక పోవటంతో ఇప్పుడు ఏం చేయాలో అర్థంకాని పరిస్థితిలో వైసీపీ అధిష్టానం కూడా ఉందని అంటున్నారు. ఇప్పటికే విజయసాయిరెడ్డి ద్వారా ఒక నివేదిక తెప్పించుకొని పరిశీలించిన ముఖ్యమంత్రి వైఎస్ జగన్ కూడా విశాఖ జిల్లా మీద ఏం చేయాలో అర్థం కాని స్థితిలో ఉన్నారని అంటున్నారు. వాస్తవానికి విశాఖ జిల్లాలో అధికార పార్టీ నేతలు గత కొంత కాలంగా అవినీతి కార్యక్రమాలు ఎక్కువగా చేస్తున్నారని ఆరోపణలు ఉన్నాయి. దీనితోనే పార్టీ ఇప్పుడు క్షేత్రస్థాయిలో ఇబ్బంది పడుతుందనే ఆవేదన కూడా ముఖ్యమంత్రి జగన్ లో ఉంది.