ఐఖ్యరాజ్య సమితి సెక్యూరిటీ కౌన్సిల్ లో భారత్ కు సభ్యత్వం లభించకుండా గత చాలా సంవత్సరాలుగా చైనా అడ్దుపడుతుంది. సెక్యూరిటీ కౌన్సిల్ లోని ఐదు ప్రధాన సభ్య దేశాలలో నాలుగు సభ్యదేశాలు మనకు సంపూర్ణ మద్ధతు నిస్తున్నాయి. అంతే కాదు ప్రపంచ దేశాలలో చాలా దేశాలు భారత్ కు సభ్యత్వం రావటాన్ని స్వాగతిస్తున్నాయి. అయితే పానకంలో పుడకలాగా చైనా ఎప్పుడూ ఈ విషయం లో మనకు అడ్డు తగుల్తుంది. అవసరమైతే వీటో ప్రయోగించేంత వరకు వెళుతుంది. ఈ వీటో అధికారమున్న దేశాల్లో చైనా ఒకటి.

అయితే భారత్ చైనా మధ్య ప్రస్తుతం పచ్చగడ్డి వేస్తె భగ్గుమంటోంది.  రెండు దేశాల సరిహద్ధుల వద్ద భారీగా సైన్యాన్ని మోహరించాయి. ఒకవైపు చర్చలు జరుపుతూనే చైనా సైన్యాన్ని సరిహద్ధులకు తరలిస్తుండటంతో భారత్ అప్రమత్తం అయ్యింది. 

భారీ ఎత్తున బోర్డర్ లో సైన్యాన్ని మోహరిస్తోంది.  చైనా ఆర్ధిక మూలలను దెబ్బకొట్టేందుకు ఇండియా ఆ దేశానికీ చెందిన చాలా యాప్స్ ను ఇప్పటికే బ్యాన్ చేసింది. ఇక ఇదిలా ఉంటె అంతర్జాతీయ వేదికపై కూడా చైనాకు  ఇండియా  మొగుడై కూర్చుంది.

ఐక్యరాజ్య సమితికి చెందిన ‘ఎకనామిక్ అండ్ సోషల్ కౌన్సిల్' లో అంతర్భాగంగా ఉన్న ‘కమిషన్ ఆన్ స్టేటస్ అఫ్ విమెన్’ లో భారత్ సభ్యత్వాన్ని సంపాదించింది. ఇందులో సభ్యత్వం పొందేందుకు భారత్ తో పాటు ఆఫ్గనిస్తాన్, చైనా దేశాలు పోటీ పడగా, భారత్, ఆఫ్గనిస్తాన్ లు సభ్యత్వం దక్కించుకున్నాయి.

కమిషన్ ఆన్ స్టేటస్ విమెన్ లో సభ్యత్వం పొందాలంటే కనీసం 28 దేశాల మద్దతు అవసరం కాగా, ఆఫ్గనిస్తాన్ కు 39, ఇండియాకు 38 దేశాలు మద్దతు చేయగా, చైనాకు కేవలం 27 దేశాలు మాత్రమే మద్దతు చేయడం విశేషం. మహిళ  సాధికారతకు ఈ సంస్థ కృషి చేస్తుంది. 

సభ్యదేశాలకు ఈ సంస్థ నిధులను సమకూరుస్తుంది.  2021 నుంచి 2025 వరకు భారత్ ఈ సంస్థలో సభ్యదేశంగా కొనసాగుతుంది.