సీఎం కేసీఆర్ ప్రజల్లోకి వెళ్లే విషయంలో ఆసక్తి చూపించడం లేదు. దీనిపై రాజకీయ వర్గాల్లో కూడా తీవ్ర చర్చ జరుగుతోంది. అయితే ఇప్పుడు ఉమ్మడి ఖమ్మం జిల్లా పర్యటనకు సీఎం కేసీఆర్ ఇచ్చే అవకాశాలు ఉండవచ్చని భావిస్తున్నారు. ఉమ్మడి ఖమ్మం జిల్లాలో భారతీయ జనతా పార్టీ బలపడే ఆలోచన ఉంది. ఈ నేపథ్యంలో టీఆర్ఎస్ పార్టీ నేతల మీద కూడా ఫోకస్ చేసింది అనే ప్రచారం ఎక్కువ జరుగుతున్నది. ప్రధానంగా తుమ్మల నాగేశ్వరరావు పొంగులేటి శ్రీనివాసరెడ్డి వంటివారిని లాక్కునే ఆలోచనలో భారతీయ జనతా పార్టీ ఉందనే ప్రచారం రాజకీయ వర్గాల్లో ఉంది. 

వారిని ఆహ్వానించడం ద్వారా ఖమ్మం జిల్లాలో బలపడే ఆలోచన బిజెపి చేస్తున్నది. అయితే ఇప్పటికే ఖమ్మం జిల్లాలో అభివృద్ధి కార్యక్రమాలు ఎక్కువగా జరుగుతున్నాయి. దీనిపై టిఆర్ఎస్ పార్టీ వర్గాలు కూడా కాస్త సంతోషంగానే ఉన్నాయి. అయితే త్వరలో జరగబోయే ఖమ్మం మున్సిపల్ కార్పొరేషన్ ఎన్నికల్లో టిఆర్ఎస్ పార్టీ విజయం సాధించాలంటే నేతలందరూ కూడా కలిసి పని చేయాల్సిన అవసరం ఉంది. 2018 తర్వాత ఖమ్మం పర్యటనకు సీఎం కేసీఆర్ రాలేదు. దీనిపై తీవ్ర స్థాయిలో చర్చలు ఉన్నాయి. బిజెపి దెబ్బకే సీఎం కేసీఆర్ ఖమ్మం జిల్లా మీద దృష్టి పెట్టారని అంటున్నారు.