అయితే బండి సంజయ్ కారణంగా కొంతమంది నేతలు రాలేక పోతున్నారని టాక్. ప్రధానంగా ఉమ్మడి జిల్లాలకు చెందిన కొంతమంది నేతలు భయపడుతున్నారని అంటున్నారు. ఒకవేళ ఆయన ఉండగా పార్టీలోకి వెళ్తే తమకు ప్రాధాన్యత ఉండదని ఆవేదన చాలామంది నేతల్లో ఉంది. అందుకే ఇప్పుడు వేరే దారులు వెతుక్కుంటున్నారు అని అంటున్నారు. అయితే ఇప్పుడు రాష్ట్ర పార్టీ అధ్యక్షుడుగా ధర్మపురి అరవింద్ ని నియమించాలి అని కోరుతున్నారు. నిజామాబాద్ జిల్లాకు చెందిన చాలా మంది నేతలు ఆ పార్టీలో చేరే అవకాశాలు ఉన్నాయని అంటున్నారు.

అంతేకాకుండా ఆదిలాబాద్ జిల్లా కీలక నేతలు కూడా ఇప్పుడు భారతీయ జనతా పార్టీలోకి రావడానికి ఆసక్తి గా ఉన్నారని సమాచారం. వీరి విషయంలో బీజేపీ అధిష్టానం ఇప్పటికే దృష్టి పెట్టినట్లు తెలుస్తుంది. అయితే తెలంగాణ నుంచి కేంద్రమంత్రిగా కిషన్ రెడ్డిని తప్పించి అలాగే బండిని ఎంపిక చేసే ఆలోచనలో ఉన్నారని సమాచారం. అలాగే టిఆర్ఎస్ పార్టీ నుంచి కూడా ఒక ఎంపీ గారు ఇప్పుడు భారతీయ జనతా పార్టీ వైపు చూస్తున్న నేపథ్యంలో ఆయనకు కూడా కేంద్ర మంత్రి పదవి ఆఫర్ చేసినట్లు తెలుస్తుంది. ఆయన వస్తే ఆరుగురు ఎమ్మెల్యేలు కూడా వచ్చే అవకాశాలున్నాయని ప్రచారం భారతీయ జనతా పార్టీ వర్గాల్లో ఎక్కువగా జరుగుతుంది.