ఖమ్మం సత్తుపల్లి రోడ్డు ఖమ్మం భద్రాచలం రోడ్డు విషయంలో కూడా ఆయన చాలా జాగ్రత్తలు తీసుకుంటున్నారు. అలాగే కీలక ప్రాంతాల్లో అభివృద్ధి కార్యక్రమాలు ఎక్కువగా జరుగుతున్నాయి. సిసి రోడ్ల నుంచి ప్రతి ఒక్కటి కూడా అభివృద్ధి కార్యక్రమాలు వేగం పుంజుకున్నాయి. అలాగే జిల్లాలో డబుల్ బెడ్ రూమ్ ఇళ్ల విషయంలో కూడా మంత్రి చాలా స్పీడ్ గా ఉన్నారు. అయితే ఇప్పుడు ఈ అభివృద్ధి వెనుక రాజకీయ కారణాలు ఉన్నాయి అనేది కొంతమంది చెప్తున్న మాట వాస్తవం.

ఉమ్మడి ఖమ్మం జిల్లాలో టిఆర్ఎస్ పార్టీలో అంతర్గత పోరు ఉందని ఎప్పటి నుంచో వార్తలు వినపడుతున్నాయి. ప్రధానంగా తుమ్మల నాగేశ్వరరావు కుమార్ కి ఆయనకు మధ్య కాస్త గ్యాప్ ఉంది అనే ప్రచారం రాజకీయ వర్గాల్లో జరుగుతోంది. 2018 ఎన్నికల్లో తన ఓటమికి పువ్వాడ అజయ్ కుమార్ కారణమని భావనలో తుమ్మల నాగేశ్వరరావు ఉన్నారనే ప్రచారం జరిగింది. ఆ తర్వాత తుమ్మల నాగేశ్వరరావుని అజయ్ కుమార్ కలిసిన సందర్భం కూడా ఏదీ లేదు. అయితే గతంలో మంత్రిగా ఉన్న సమయంలో ఖమ్మం జిల్లాలో చాలా వరకు అభివృద్ధి కార్యక్రమాలు జరిగాయి. అయితే ఇప్పుడు తుమ్మల నాగేశ్వరరావుని మర్చిపోయే విధంగా తానే అభివృద్ధి చేయాలని భావిస్తున్న పువ్వాడ అజయ్ కుమార్ రాష్ట్ర ప్రభుత్వంను ఒప్పించి జిల్లాకు భారీగా నిధులు తీసుకు వస్తున్నారని అంటున్నారు.