నిన్న విశాఖ ఉక్కు ఫ్యాక్టరీ ప్రైవేటీకరణ అంశం మీద టిడిపి నేత పల్లా శ్రీనివాసరావు చేపట్టిన నిరాహార దీక్షకు మద్దతు తెలిపేందుకు నారా లోకేష్ విశాఖపట్నం వెళ్ళిన సంగతి తెలిసిందే. ఈ క్రమంలో మీడియాతో మాట్లాడుతూ వైఎస్ జగన్ ను ఉద్దేశించి నారా లోకేష్ సంచలన వ్యాఖ్యలు చేశారు. బుల్లెట్ లేని గన్ జగన్ అంటూ ఆయన ఎద్దేవా చేశారు. ఈ గన్ నొక్కితే నీళ్లు వస్తాయని అంతకు మించి ఏమీ రావు అని ఆయన వ్యంగ్యంగా మాట్లాడారు. 

అలాగే మోడీని చూస్తే జగన్ కు ఉచ్చ కారుతున్నాయి అని అంటూ ఒక రేంజ్ లో రెచ్చి పోయారు. అయితే ఇన్నాళ్లు పద్ధతిగా మాట్లాడుతూ రాజకీయం చేసిన నారా లోకేష్ ఇలా ఒక్కసారిగా జగన్ మీద మాటల దాడి పెంచటం తెలుగు తమ్ముళ్లకు బాగా నచ్చేసింది. పంచాయతీ రాజ్ శాఖ మంత్రిగా ఎన్నో అభివృద్ధి కార్యక్రమాలు చేపట్టి ప్రజల ముందుకు వెళితే ఓడించి పంపారని జనానికి కావాల్సింది ఇలాంటి బూతుల రాజకీయమే అని వారు లోకేష్ కు సపోర్ట్ చేస్తున్నారు. అలా మొత్తం మీద నారా లోకేష్ ఇప్పుడు తెలుగుదేశం శ్రేణులకు నచ్చేస్తున్నాడు. చాలామంది యువ నేతలు సైతం లోకేష్ నాయకత్వంలో పని చేయడానికి ఇప్పటికే సం సిద్ధంగా ఉన్నామని చెబుతున్నారు. ఈ లెక్కన చూస్తే నారా లోకేష్ నెమ్మది నెమ్మదిగా నాయకుడిగా మారుతున్నాడని చెప్పొచ్చు.